الأحد، 1 نوفمبر 2009

اغاني x اغاني



اليوم يوم عطلة بقيت في البيت ولانه لم يكن عندي شئ افعله "فراغ قاتل بعيد عن السامعين" بقيت اقلب بين القنوات فتوقفت للحظات عند قناة ميلودي عربية وليتني ما توقفت.

ماهده الدرجة التي تدنت لها الكليبات العربية لم يعد هناك فرق بيننا وبين الغرب المشكلة أننا نقلدهم فقط في أسوء ما فيهم ونتجاهل كل ماهو حسن.

اليوم صعب ان تقعد مع أفراد الاسرة لتتفرج على هده التفاهات مستحيل ان يكون معك أبوك او أخوك و تضع مؤشر التلفزيون على هده القناة.

أتسائل هؤلاء الفنانين والفنانات ان كانو فعلا يستحقون أن نلقبهم بهدا اللقب بأي منطق يفكرون وهل يشاهدون ما يفعلون.

صدق رسول الله صلى الله عليه وسلم حين قال : " ان مما أدرك الناس من كلام النبوة الاولى ادا لم تستحي فأصنع ما شئت" رواه البخاري.

اليوم وأنا أتفرج ترحمت على وقفة فيروز على المسرح على شموخها وقارنتها ولو انه لاقياس مع الفارق مع أشباه الفنانات اللواتي لاتعرف ان كن يغنيين او يرقصن واللواتي يتنافسن على ارتداء ما يكشف أكثر مما يستر.

اليوم كان نفسي وانا اتفرج أن اصرخ بعلو صوتي بقصيدة بيرم التونسي الدي كأنه يعبر عن حالنا اليوم واقول لهم بملئ فمي لآشباه الفنانين والفنانات الله يخليكم دقيقة سكوت لله.

يااهل المغنى دماغنا وجعنا

دقيقه سكوت لله

داحنا شبعنا كلام ماله معنى

ياليل وياعين ويااّه
ــــــــــــ

طلعت موضه غصون وبلابل

شابط فيها حزين

شاكى وباكى وقال موش عارف

يشكى ويبكى لمين

واللى جابت له الداء والكافيه

طرشه ماهش سامعاه

يااهل المغنى دماغنا وجعنا

دقيقه سكوت لله
ـــــــــــــــــــ

ردى عليه ياطيور بينادى

وارمى له الجناجين

وانت كمان يابور الــــوادى

قل له رايح على فين

قل له اياك يرتاح يابابـــــوره

ويريحنــــــــــا معــــــاه

ياهل المغنى دماغنا وجعنا

دقيقه سكــــــوت لله
ــــــــــــــــ

كل جدع فرحان بشبابه

يقول فى عنيه دمـــوع

ياللى جلبتى شقاه وعذابه

حلّى لنــــا الموضــــوع

طالع نازل يلقى عـــــوازل

واقفــــــــه بتستنــــــاه

ياهل المغنى دماغنا وجعنا

دقيقه سكوت لله
ــــــــــــــ

حافضين عشره اتناشر كلمه

نقل من الجـــــــــورنال

شوق وحنين وأمل وأمانــــــى

وصد وتيـــــــه ودلال

واللى اتعـــاد ينزاد ياخــــــــــوانا

وليل ونهــــــــار هـــوّاه

ياهل المغنى دماغنا وجعنـــــــــــا

دقيقه ســكوت لله

فهل من مجيب?

هناك 19 تعليقًا:

الشعب لابد له من حكومه تشكمه يقول...

طب احمدى ربنا انك وقفتى عند ميلودى ارابيا..اومال لو شوفتى هيتس وتريكس هيغمن عليكى:)
تصدقى بقالى كتير اوى مجبتش قنوات اغانى...

Tamer Moghazy يقول...

تصدقي بقى اني باحقد عليكي عشان عندك وقت..وكمان فراغ..؟؟
انا اخر مرة قعدت افرج على قنوات اغاني مش فاكر امتى..
بس عجبني قوي : ياهل المغنى دماغنا وجعنا

دقيقه سكــــوت لله (';')

Sweet Violet يقول...

طب تخيلى بقى انه كتب الكلام ده فى زمن احنا بنترحم على الفن اللى فيه و بنقول ياريت الفن دلوقتى يكون ربعه
امال لو كان شاف اللى بيحصل دلوقتى كان هيقول ايه ؟؟
ارجوكم اسكتوا العمر كله
v_v

لاسع افندى يقول...

تصدقى انا بطلت اشوف اى قنوات اغانى




تحيه لاسعه

خواطر شابة يقول...

الشعب لابد له من حكومة تشكمه
أحسن لك انك مبقيتيش تجيبي قنوات الاغاني الحال مبقاش يسر لاعدو ولا حبيب عارفة مسرحية ريا وسكينة لما سكينة بتقول ياكزوفي با كزوفي أهو ده حيبقى حالك.
مع تحياتي

Timo
وتحقد عليا ليه لو ينفع يتصدر كنت صدرت لك شوية ده الفراغ ده قاتل ياعم ملل ملل
مع تحياتي

خواطر شابة يقول...

Sweet Violet
لو شاف اللي بنشوفه دلوقت حيطب ساكت اداكان هو قال هدا الكلام في عصر اللي احنا بنسميهم عمالقة ولاحظي ان هو متكلمش عن الابتدال ولا العري هو اتكلم بس عن ان المواضيع وانها كلها حب وصد وهجران يجي في الزمن الاغبر اللي احنا فيه يشوف لاكلام مؤدب ولاصورة مؤدبة
تمنياتي لك بيوم سعيد

لاسع افندي
تصدق أنا كما حأعمل زيك دول ناويين يحدفونا على جهنم عدل
شكرا على مرورك

Unknown يقول...

المغنية حتى تنجح لازم تقلع
هادا للأسف موضتنا الحالية
لعنة الله عليهم في الدنيا والاخرة

اشكرك عزيزتي بالتحدث عن هذا الموضوع الحساس
لك احترامي

خواطر شابة يقول...

Mr.Hazem
شكرا على مرورك ومعك حق المفاهيم اختلفت وطرق النجاح اختلفت جعلنا الله واياك ممن يضعون الاخرة نصب أعينهم وممن لايغترون بهده الحياة الزائلة
مع تحياتي

غير معرف يقول...

موضوع تمام ولبد الوقوف عنده
انا من حوالى سنتين مش بشوف اى قنوات تيلفزوينه اخبار تشام والعيزو بالله اغانى لسمح الله الاغانى حرام برامج دون هدف معين الى بعض البرامج طبعا هادفه وطبعا بخلاف القنوات الدينيه اللهم ماكثر منها يبدو انى غيرت الموضع لكن وضعت وجه نظر من خلال التلفازعامه ام بنسبه لقناوات الاغنيى انى لا اعرف ماذه يدور بهاالفن مااااااااااات من زماااان من ايام ايام؟ مين مش فاكر المهم هدانا الله واياكم لما يحب ويرضى

خواطر شابة يقول...

غير معرف
شكرا على مرورك
نتمنى صلاح الحال مستقبلا ان شاء الله
مع تحياتي

أحمد الصعيدي يقول...

انتهت سيدتي ظاهرة المطرب الفذ والملحن الجبار وكاتب الكلمة الساحر والمستمع المحترم

لك ان تكتبي ماشئت
فأنت علي حق

تقبلي مروري الاول

السلام عليكم

خواطر شابة يقول...

احمد الصعيدي
شكرا على مرورك وعلى تواصلك الدي اتمنى ان يدوم
مع تحياتي

حلم بيعافر يقول...

الفنان بيفرض نفسه فى اى زمان ومكان وفيه دللوقتى ناس كويسة بس ياخسارة الساحة مليانة طفيليات وجراثيم وعالم مسخ
تحياتى

رامز عباس يقول...

أول زيارة ومش الاخيرة


مين اللي ألف دقيقة سكوت لله ده شرطي لزيارات قادمة

شفـقــة و إحســــان يقول...

يسلم قلمك وينصر دينك على البق الحلو ده.... والله معاكى حق قرفونا كل ما نفتح قناة نلاقى بلاوى وياريتها بتيجى على السمع وبس لا وعلى المناظر الخليعة اللى بيعتمدوا عليها فى الغنى والايحاءات
ربنا يرحمنا منهم

عاشق الجنة من الإخوان صلى على النبى يقول...

بجد بقت تجارة رخيصة وحاجة تقرف
جزاكم الله خيراً
في انتظار زيارتك عشن تنور مدونتي
صلي علي النبي

خواطر شابة يقول...

حلم بيعافر
كلامك صحيح انا لم أعمم لكن المشكلة ان السائد هو ما اشتكيت منه
تحياتي

رامز عباس
شكرا للزيارة التي اتمنى ان تتكرر
بخصوص مؤلف دقيقة سكوت لله انت لم تقرأ التدوينة ادا انا دكرته وقلت انه بيرم التونسي (راجع التدوينة) هكدا لم تبق لك حجة
تقبل تحياتي في انتظار زياراتك القادمة

شفقة واحسان
زيارتكم تسعدني اتمنى ان يدوم التواصل
شكرا لكم

عاشق الجنة من الاخوان صلى على النبي
اللهم صلي على سيدنا محمد عدد خلقك وزنة عرشك ومداد كلماتك
شكرا على تواصلك
مع تحياتي

هيثــم رمضـــان يقول...

أشكرك جداً علي موضوعك القيم وطبعاً عندك حق في كل كلمة وأنا شخصياً لا أتخيل إبنتي ذات الخمس سنوات تشاهد هذا العري ولهذا لا أحاول البحث مطلقاً علي مثل هذة القنوات وأسمع أمامها أم كلثوم وفيروز وموسيقي عمر خيرت, وأصبحت لا أعرف أسماء ما يطلقون علي أنفسهم مطربين أو فنانين لكني أتوقع أن تنحسر هذة الموجه في المسقبل وينقرض هذا الصنف من تجار الاجساد ويبقي الاصاله فقط.

تحياتي

خواطر شابة يقول...

هيثم رمضان
شكرا على تواصلك