الأحد، 17 يناير، 2010

الى أمي


في موضوعي السابق عن الوطن هناك من قال الوطن أم فاستوقفتني الكلمة وسألت نفسي لم حصل هذا الربط واليوم وانا اتجول بين المدونات استوقفتني قصيدة في مدونة صبرني يارب للشاعر علي سالم استمعت للقصيدة بألقائه وكانت كلماتها تقول:

انا حاسس ان الموت
ماخذش منك غير الطرحة
والجلابية السودة
ما أنا كل ما أعدي جنب الاوضة
أسمع صوتك
وانت بتضحكي ع الدنيا
وبتدعي لي
روح ربنا معاك
هتسافر وهترجع مجبور الخاطر
وهستناك
طب اسندي على كتفي
بكره تقومي
بكره تخفي
عارف مين يا ابني بيقع ويقوم
اوعى تدور عالدفى في فلوس وهدوم
ومتنساش تحوش شوية أصحاب
وافرح أوي لما يدق الباب
وتلاقي حد بيحضنك
لوجه الله
ياه
فاكره يامه لما كنت بتعملي البصارة
وتدي منها لأبلة سارة
يرجع الطبق رز بلبن
يروح لأم حسن
يرجع صنية بسيسة
تدي منها لخالتي بيسة
ويرجع الطبق مليان حب
معقول كل ده قلب
عارفه يامه
النهارده بقيت بخاف بجد
بخاف من أي حاجة
ومن أي حد
بخاف غصب عني
أتخبط ف حد
لحسن يعمل لي محضر
ويطلب تعويض
مشيت كثير يامه
بس الفرح لسه بعيد
ياترى لسه بتدعيلي

فما ان انهى ألقائه حتى فوجئت بعيناي تملأها الدموع خصوصا أنني أعاني ومنذ وفاة والدي أعاني من رهاب فقد الام فغالبية كوابيسي تكون موت أمي فتسائلت ترى ما السبب في تأثري بكلماته فعرفت ان السر هو كلمة أم فكلمة الأم تحمل معنى كبيرمرادف للحب للحنان للاحتواء للتضحية لكل معنى جميل قد يخطر على بالك.

الأم هي احساس بالامان كنت قرأت مثل منذ مدة وأعجبني جدا لأنني احسست بواقعيته يقول المثل :" يظل الرجل طفلا حتى تموت أمه فيشيخ فجأة" فالأم فعلا تظل ترى أطفالها بنفس العين وتنظر لهم نفس النظرة حتى ولو أصبحو رجالا ونساء وحتى لو أصبحوا بدورهم أباء وأمهات فهم دوما بالنسبة لها أطفالها الصغار المحتاجون للرعاية والحماية والحنان.

ليس غريبا اذن ان رسولنا الكريم حينما سأله صحابي عن أحق الناس بصحبته قال أمك ثم أمك ثم أمك ثلاث مراث للتوكيد على أهمية الامر وعلى عظم مكانة الأم وان حقها علينا كبير جدا وصعب أن نرده مهما فعلنا من أجلها تكفي فقط ألام المخاض التي تحملتها لحظة انجابنا والله لو ظللنا نخدمها طوال العمر لما رددنا لها ولو جزءا يسيرا مما تحملته واسألوا امهاتكم عما عانينه لتفهموا ما أقول يقول أبو العلاء المعري:

العَيْـشُ مَاضٍ فَأَكْـرِمْ وَالِدَيْـكَ بِـهِ
والأُمُّ أَوْلَـى بِـإِكْـرَامٍ وَإِحْـسَـانِ
وَحَسْبُهَا الحَمْـلُ وَالإِرْضَـاعُ تُدْمِنُـهُ
أَمْـرَانِ بِالفَضْـلِ نَـالاَ كُلَّ إِنْسَـان

يقول مثل مغربي "اذا ماتت أمك توسد الركبة واذا مات أبوك توسد العتبة" معناه أن الام بعد وفاة الاب تحتضن أطفالها وترعاهم وتعوضهم عن فقد الأب وتنسيهم مرارة اليتم فتوسد الركبة معناها ضع رأسك على ركبة أمك كناية على العطف والحنان بينما في حالة وفاة الام فالأب غالبا بعد فترة قصيرة يفكر في الزواج تانية ومن هنا جاء القول توسد العتبة اي عتبة الباب كناية عن فقدان حنان الام وعدم وجود معوض له.

أمي رغم أني أعرف انك لن تطلعي على هذه التدوينة لكني أحسست برغبة جامحة لم أستطع مقاومتها في أن أتوجه لك بالخطاب لأقول لك :

لن تستطيع الكلمات ابدا أن تعبر لك عن مدى حبي لك ولن تستطيع كل الحروف أن تنقل الاحساس الذي يعتريني الان. أمي عندما أفكر أني قد أفقدك يضيع صوابي وأحس بالضياع فكرة العيش بدونك في حياتي لا اتحمل حتى تصورها. مهما فعلت لأجلك لن أحس أبدا أني وفيت دينك. أمي الشكر والامتنان وحده لايكفي وكل الكلام لا يكفي لذا سأكتفي بأن أقول لك دمت دوما شمعة مضيئة في حياتي ودمت النور الذي ينير أيامي حفظك الله من كل سوء ورعاك ياغاليتي.


هناك 71 تعليقًا:

Che يقول...

تدوينه فى غايه الرقه و الجمال ... ربنا يرحم والدك و يطول فى عمر والدتك آمين يا رب العالمين
اشعر بما تشعرين به و فى الغالب كل من فقد ابا و بقيت امه يشعر بنفس الشعور

أم .. بوبه يقول...

الشعر أكثر من رائع وحقك تتأثرى بيه فعلا

وربنا يطول فى عمر والدتك ويمتعك بيها يارب ويباركلك فيها

قلم رصاص يقول...

مش لاقي تعليق ولا كلمات تعبر عن مدى جمال وروعة البوست ووقع تأثيره علي كل من يقرأه

ربنا يرحم والدك ويمد في عمر والدتك يارب

أبدعتي والله في البوست جدا

دمتي في حفظ الله

فتاه من الصعيد يقول...

ربنا يخليهالك يا رب ويخليكي ليها دايما

بصراحه البوست مؤثر جدا .... من اكثر ما قرأت تأثيرا

تحياتي

مصري جدا يقول...

دا استنصاد

لولا وزهراء يقول...

بنا يحفظ لكى والدتك ووالدتى ياااااااااارب
على فكره ده هاجس بيحصل لما الانسان يفقد اباه
الهاجس فضل معايا فتره بس لا انكر انه اختفى فجاه وبعدين رجع لى تانى والسبب فى رجوعه بعد ما تزوج اخى الوحيد وعشت مع امى بمفردنا رغم زياراته المتكرره لنا لكن برضه اشعر بخوف على امى شديد ربنا يبارك لى فى عمرها
ربنا يحفظ لكى امك وكل الامهات

تقبلى ارق امنياتى لكى بالسعاده والفرح الدائم

زهراء

هي وظروفها يقول...

والله العظيم يا نجيبه عنيا رغررغت وانا بقرا كلام علي سلامه

علي فكره انا قريتها قبل كده بس اول مره مش عارف ليه اتخيل ان لو امي ربنا يبارك في عمرها جرالها شيء هيبقي شكل الدنيا ازاي

الأم متتعوضش

ربنا يبارك في والدتك ويرحم والدك وكل موتي المسلمين

يوميات شاب منوفى يقول...

ربنا يخليهالك يارب ويطول فى عمرها اناراى من زمان اليتيم يتيم الام وليس يتيم الاب
انا لما بعقد افكر واتخيل حياتى من غير امى احس انى ممكن اموت وراها احسن معيش من غيرها
تحياتى لكل اهل المغرب

cenderelaa يقول...

ايه بس الكلام الجميل والمؤثر ده
ربنا يخليها لك ويحفظها
وكل كلامك صح طبعا
كان فى مثل بيتقال
الام تعشش والاب يطفش
ربنا يحفظ امهاتنا.
تحياتى حنين.

cenderelaa يقول...

فى غلطه مطبعيه حصلت فى التعليق اللى فات مش باسم سندريلا ده باسم حنين بس فى لغبطه هشوفها

حنين يقول...

بوست جميل
كلمات رائعه

أبو حميد يقول...

راااائع كالعادة بس حرام عليكى أنا كنت حعيط فى الشغل

أنا حطيت السؤال ده فى مدونتى . يا ريت تشرفنا بتعليقك يا فندم :)

لو ممكن تغير حاجة .... هى إيه؟

A.SAMIR يقول...

ربنا يخليها لكي
انا كل ما افكر ان الواحد ممكن يفقد امه في يوم من الايام........مجرد الفكرة....رهيبة
ربنا يحميهم و يخليهم لنا جميعا

الجواز و سنينه يقول...

تسلم اديكى على الكلام الحلو ده
ربنا يخليكلك مامتك
و يبارك فيكى على اد ما انتى باره بيها كل ده

خواطر شابة يقول...

Che
شكرا على كلماتك الطيبة ومعك حق فالموت لايحس به ويعرف معناه الا من ذاق مرارته
شكرا على مرورك الكريم
تحياتي

خواطر شابة يقول...

ام بوبة
اسمعيه بالقائه ستحسين به اكثر
شكرا على كلامك الطيب تسلمي
تحياتي

خواطر شابة يقول...

قلم رصاص
تعرف امس وانا أكتبه خصوصا عندما كنت أكلم أمي كانت الدموع تتساقط من عيني كانت كل كلمة قلتها حقيقية جدا ونابعة من القلب وما يخرج من القلب يصل بسهولة الى القلب
ربي يخلي لك والديك ويحفظهما لك
تحياتي

خواطر شابة يقول...

فتاة من الصعيد
اكيد كل من يقرأ سيستحضر أمه وهذا هو سبب ثأثرك عزيزتي
ربي يحفظ لك والديك
تحياتي لك

خواطر شابة يقول...

مصري جدا
ليه بس?

Tamer Nabil يقول...

عندك حق خواطر فى كلامك

الام لاتتعوض وهى الحب الحقيقيى فى حياة كل انسان

ربنا يحفظ الامهات وينور طريقهم دائما

مع خالص تحياتى

خواطر شابة يقول...

لولا وزهراء
عزيزتي زهراء
أعرف عزيزتي وما تصفينه هو شعور كل من فقد أباه بحيث تصبح الام هي كل شئ في حياته وبالتالي يخشى دوما من تكرار تجربة الفقد التي عاشها
ربس يحفظ لك امك ويخليها لك ان شاء الله
تحياتي عزيزتي

خواطر شابة يقول...

هي وظروفها
شغت انا ده الي حصل لي وانا باسمع شعره وخصوصا بطريقة القائه حطيت نفسي مكانه فحسيت بالكلام جدا جدا ومحسيتش الا وعينيا مليانة دموع
ربي ما يحرم حد من أمه وربي يخليهالك وميحرمكش منها يارب

خواطر شابة يقول...

يوميات شاب منوفي
والله وانا دائما أقولها اليتيم الحقيقي هو يتيم الأم مجرد التفكير في الامر مرعب ربي يخلي لك والدتك ويحفظها من كل شر يارب
وأهل المغرب ايضا بيسلموا عليك
تحياتي

خواطر شابة يقول...

حنين
ايه حكايتك مع السندريلا النهارده
شكرا على المرور الطيب وكلماتك الحلوة وربي يحفظ لك أمك ويخليها لك يارب
تحياتي لك عزيزتي

خواطر شابة يقول...

أبو حميد
اي حد استحضر أمه وهو يقرأ حيحس بنفس احساسك الام لا معوض لحنانها ولحبها ربي يخلي للجميع امهاتهم ويحفظ لك والدتك من كل شر
انا جاوبت على السؤال عندك وسعيدة بالتواصل وان شاء الله يدوم
تحياتي لك

خواطر شابة يقول...

A.SAMIR
هذا ما قلته أي واحد سيستحضر أمه وهو يقرأ سيتأثر لايمكن الا أن يتأثر فسبحان الله مكانة الام في قلوب الجميع لايصل لدرجتها احد لذا فمجرد التفكير في فقدها يرعب
ربي يحفظ لك والدتك من كل شر
شكرا على مرورك الطيب
تحياتي

خواطر شابة يقول...

الجواز وسنينه
تسلمي على كلامك الطيب وربي يجعلني عند حسن الظن دائما
ربي يحفظ لك والدتك ويخلي للجميع امهاتهم يارب
تحياتي لك عزيزتي

خواطر شابة يقول...

Tamer Nabil
فعلا الام لاتتعوض ربي يحفظ كل الامهات ويخليهم لاولادهم يارب
تحياتي لك

بحر الالوان يقول...

ربنا يبارك فيك علي هذا الكلام الطيب ..... واجد لساني عاجزا عن وفاء الوالدين حقهما ...واري ان حب الوالدين جهاد في سبيل الله لقول المصطفي :

وعن عبد الله بن عمرو بن العاص -رضي الله تعالى عنهما- قال: جاء رجل إلى النبي -صلى الله عليه وسلم- فاستأذنه في الجهاد فقال: أحي والداك؟ قال نعم، قال: ففيهما فجاهد متفق عليه.

وقال ايضا حينما سأل عن افضل الاعمال:

الصلاة على وقتها، قلت: ثم أي؟ قال: بر الوالدين، قلت: ثم أي؟ قال: الجهاد في سبيل الله

ربنا يخليهالك ويرحم الوالد رحمة واسعة ..... وابقي اكمل تعليق يوم 21 مارس .... لان ما معييش مناديل كفاية .

تحياتي

ليس فقيرا من يحب يقول...

انتى رقيقه اوى اوى يا خواطر

بوست جميل ومؤثر

ربنا يرحم والدك ويدخله فسيح جناته

ويباركلك فى ست الكل ماما ويفرحها بيكى يااااااااااااارب

خواطر شابة يقول...

بحر الالوان
"ابقي اكمل تعليق يوم 21 مارس .... لان ما معييش مناديل كفاية" هههه تعرف مستحيل حد يقرا القصيدة ويستحضر امه ويتخيل الموقف وميعيطش اتحدى ان فيه حد الا لو كان غير طبيعي
ربي يخلي لك والديك ويحفظهما لك
تحياتي

خواطر شابة يقول...
أزال المؤلف هذا التعليق.
خواطر شابة يقول...

ليس فقيرا من يحب
يا عزيزتي شكرا جزيلا لك على رأيك فيا ويارب أكون دائما عند حسن ظنك
شكرا على كلامك و دعواتك الطيبة ويارب يحفظ لك أهلك من كل شر ان شاء الله
تحياتي لك عزيزتي

ستيته حسب الله الحمش يقول...

علي سالم من يوم ما موقع المصري اليوم بقى ع النت بفتح عليه
وقرأت شعره ده هناك وكان تحفة
واجمل ما فيه انه النهاردة بيخاف بجد

حفظ الله لنا الأمهات
فأمي كانت ومازالت حائط صدي الأول
كانت ومازالت ضهري الحقيقي
واللي من غير ام حاله يغم

تحياتي وكلامك اللي طالع من القلب تحفة وربنا لا يحرمك صحبة امك ويحفظهن جميعا يارب

TKOsir يقول...

بجد كلام جميل اوي
ربنا يخليهالك يا رب
وتكون ايامك كلها سعادة
ان شاء الله
تحياتي ليكي
وتسلمي بجد على الكلام دا :)

عمــود نــور يقول...

شعر تحفه بجد ماشاء الله
معبر قوووى وتسلم ايد اللى كتبه
وجود الام فى الحياه معناه الدفا والحنان والاحتواء والواحد بقى خايف لو حصل حاجه لامه هيعمل ايه وهيكون حاله ازاى؟؟

اللى قال المقوله دى(يظل الرجل طفلا حتى تموت أمه فيشيخ فجأة) القائد الفرنسى نابليون بونابرت

أبو ريان يقول...

ربنا يحفظ لينا امنا ويطول عمرها..
لهلا يحرمنا منها..

هيثــم رمضـــان يقول...

الأم هي نبع الحنان في الدنيا ويُكرم الرب العبد من أجل أمه فبدعائها تتفتح الأبواب وتنصلح الأحوال , يارب إجعلنا بارين بوالدينا وأكرمهم وجازيهم عنا كل خير وأرحمهم وأغفر لهم عند لقاءك يا أرحم الراحمين.

تحياتي

لمسة حنان يقول...

يااااااااااااااااااااااربي

يارب قدرنا ان نسعد امهاتنا

والله لا اغلي في حياتنا من الأم
وللأسف كثير لا يعرف قدرها الا بعد فوات الأوان


أهدي الي أمي أبيات من خاص فكري ومن رحيق عمري ومن لب فؤادي


أمي.....


آركي في وجه القمر....

أنتي سر ضياه

وأراكي فوق السحاب....

أنتي سبب علاه

وآراكي في الطير يشدو...

أنتي صوت صباه





أشكرك علي أروع موضوع

الشاعر الفنان أحمد فتحى فؤاد يقول...

تعرفى أنا فقدت أمى يوم ميلادى
و فعلا المثل اللى بيقول بالعامية المصرية ( اللى مالوش أم حالته تغم )

ربنا يرحم أمى و يخللى كل الأمهات و يحميهن جميعا

sal يقول...

الله يرحم امى وكل الامهات
وربنا يخليلك مامتك ويبارك لك فيها ويبارك لها فيك

انا مش معاهم يقول...

ربنا يباركلك في مامتك

خواطر شابة يقول...

دكتورة ستيتة
انا تعرفت عليه من خلال صبرني لم أكن أعرفه من قبل و لأجله سأعود لقراءة المصري اليوم مثلما كنت عندما كان بلال فضل يكتب اصطباحاته فيها
يارب يخلي لك امك ويخليك لأولادك ويحفظ كل الامهات
تحياتي لك دكتورة

خواطر شابة يقول...

TKOsir
الله يخليك شكرا على كلامك الطيب
ربي يخلي لك والديك ويحفظهم يارب
نورتني بمورورك أعجبتني قصيدتك الاخيرة لني لم اتمكن من ترك تعليق هناك مشكلة في صفحة التعليقات
تحياتي لك

خواطر شابة يقول...

عمود نور
فعلا الشعر جميل ومؤثر وقريب من القلب
شكرا لك على المعلومة انا المقولة بقيت عالقة في ذهني لكن من القائل لم أتذكره الزهايمر بقى بعيد عنك هههه
ربي يحفظ للجميع أمهاتهم يارب
شكرا على تواصلك وان شاء الله دائما

خواطر شابة يقول...

عبد اللطيف
بوس ليا ريان بوسة كبييييييييرة بزاف والله العظيم توحشته بزاف بزاف
تهلالي فراسك والله يحفظ أمي من كل سوء ان شاء الله

خواطر شابة يقول...

هيثم رمضان
لن أزيد الا ان أؤمن على دعائك واقول أمين يارب العالمين
تحياتي لك

خواطر شابة يقول...

لمسة حنان
جميلة كلماتك لأمك ربي يخليها لك فعلا في حياة كل منا أمه هي أروع ما في حياته
تحياتي لك وان شاء الله يدوم التواصل

خواطر شابة يقول...

الشاعر الفنان احمد فتحي فؤاد
فعلا مصادفة غريبة لكن امام الموت لانملك الاالتسليم بقضاء الله
ربي يرحم والدتك ويرزقها الجنة يارب واسفة اني قلبت عليك المواجع
دمت في رعاية الله
تحياتي

خواطر شابة يقول...

sal
الله يرحم والدتك وكما نقول هنا في المغرب الله يبدل محبتها بالصبر والله يرحم امهات الجميع
دعواتي بالصبر واليقين لكل من فقد أمه
شكرا على كلامك الطيب
تحياتي لك

خواطر شابة يقول...

انا مش معاهم
بارك الله فيك وجزاك الله خيرا على هذه الدعوة الطيبة
تحياتي لك

همسة حب يقول...

عجز لساني عن كتابة اي كلام بعد كلامك
بصراحة مهما كتبنا و عبرنا عن الام عمرنا ما حنوفي بحقها وبالمناسبة احب اظيف كلمات مني كنت كتبتهم في حقي امي في يوم من الايام

اسفة امي

أسفة ... كلمة نطقها قلبي قبل لساني


أسفة ...كلمة واحدة فيها كل المعاني


أسفة أمي على كل ما بدر مني


أسفة أمي على كل تقصير مني


أسفة على كل دمعة نزلت منك


أسفة على كل تنهيده صدرت منك


سامحيني يا نبع الحنان


سامحيني ففيك الأمان


أدعوا ربي و أقول يا رحمان


لا تحرم أمي من الجنان

الله يحفظ و يبارك في امهاتنا
و جميع الامهات المسلمات

تحياتي لك اخيتي

ميرام يقول...

الشعر جميل والكلام جميل ومؤثر بجد
):
تحيتي

خواطر شابة يقول...

همسة حب
الزين ديالي كلماتك جميلة الله يسمح لينا من الوالدين
ربي يخلي لك والديك ويحفظهم لك
تهلاي لي فراسك بزاف

خواطر شابة يقول...

ميرام
نورتيني في اول زيارة وان شاء الله تتكرر دائما
شكرا على رأيك الكريم نورتيني بجد
تحياتي لك

norahaty يقول...

(الأم هي احساس بالامان
كنت قرأت مثل منذ مدة
وأعجبني جدا لأنني احسست
بواقعيته يقول المثل:
(يظل الرجل طفلا حتى تموت
أمه فيشيخ فجأة)
على كده الواحد
(هرمنا وعجزنا
منذ مدة طويلة:(
حفظ الله لكِ الوالدة
وأمهات المسلمين أجمعين
ورحم الله من مات منهم
أمهـات أو أبـــــــــاء

خواطر شابة يقول...

norahaty
رحم الله والدتك و جعلها مع عباده الصالحين في جنة الفردوس ان شاء الله
تحياتي لك

Heba Faruq يقول...

بوست اكثر من رائع
وقصيدة شديدة التميز

حقا لا احد في الدنيا يعوض الام وحنانها
رحم الله والدك وحفظ لك والدتك بخير وعافية إنشاءالله

دمتي في كل خير

خواطر شابة يقول...

Heba Faruq
القصيدة فعلا مؤثرة وشديدة التميز وسماعها بصوته والقائه أشد ثأثيرا
شكرا على مرورك وكلامك الطيب
تمنياتي ان تكوني بخير وان تكون أحوالك على مايرام ان شاء الله
تحياتي لك

طوبه فضه وطوبه دهب يقول...

مش عارفه ليه كلامك نزل دموعى يمكن عشان صادق اوى وصل لقلبى اوى ربنا يخليها لك ويكرمها بيكى وفيكى يارب

فشكووول يقول...

شوفى بقى
الام هى الحصن الكبير للكل .. يعنى كل ما تتعبى تروحى للام وهى تشيل عنك التعب .. كل ما تجوعى تروحى للام وهى تشيل عنك الجوع .. كل حاجه الام بتشيلها عن ولادها.. ما فيش حاجة فى الدنيا تعادل حنان وحب الام
ربنا يخلى لك امك

Dr Ibrahim يقول...

لا كلام يقال فى عظمة وحنان وطيبة قلب الأم
ربنا يخلى ويحفظ أمهاتنا ويرحم أمهات المسلمين جميعا

Tears يقول...

حبيبتى ربنا يصبرك

و اسفه انى بنوه فى التعليقات على شىء بس تقريبا و الله اعلم فيه واحد مجنون خليجى بينتحل اسم مدونتى و ينشر كلام غريب و انا نشره تحذير على مدونتى و فيه حوار لى مع النصاب و للاسف فيه واحد مصرى بيساعده و يروج كلامه دون اى دليل و حسبى الله و نعم الوكيل فى الاتنين

Ahmad يقول...

كلام رائع وجميل تحياتي لك اخوك احمد

خواطر شابة يقول...

طوبة فضة وطوبة ذهب
عزيزتي شكرا لمرورك الطيب ولحسك المرهف ودعواتك الطيبة
ربي يخلي لك والديك ويحفظهما من كل شر

خواطر شابة يقول...

العم فشكوول
ويخلي لك كل اللي بتحبهم يارب لقد أوجزت فأنجزت
تحياتي وتقديري لك

خواطر شابة يقول...

Dr Ibrahim
فعلا لاكلام يقال ولا معاني توفيها حقها
الله يخلي لكل واحد امه وربي يرحم جميع الامهات
تحياتي لك

خواطر شابة يقول...

Tears
عزيزتي شكرا على مرورك وبالنسبة لمنتحل صفتك ربي يهدي العاصي انه على كل شئ قدير
تحياتي

خواطر شابة يقول...

ahmad
شكرا على مرورك الطيب
تقبل تحياتي

شمس النهار يقول...

عرفت مدونتك وانا بعذي احمد الصعيدي

وعندما دخلت علي البروفيل وجدتك من المغرب
قلت اه ده احنا نسايب بقا

حيث اسرتي تناسب المغرب ببنوتين غايه في الادب واللطف
احدهم زوجة اخي والاخري زوجة ابن خالي

وكمان ازورك في موضوع غايه من الاهميه
وانا في مثل سني هذا لااتصور حياتي من غير دعاء امي لي

وكلما كبرت في السن اجد احتياجي لها ولدعائها يزداد
وكذلك عندما تضيق بي الحياة ويضيق صدري بالمشاكل اجدني احكي لها تسمعني وتشير علي

البوست جميل جدا تسلم ايدك

سلامي

خواطر شابة يقول...

شمس النهار
سعيدة بزيارتك ويا عزيزتي الشرف لي
ياعزيزتي كلنا عرب تربط بيننا اواصر الدين واللغة فقط احيانا نزغات الشيطان هي التي تبعد بين الشعوب لكن الاصل هو الوحدة والترابط
ياعزيزتي كلنا يحتاج لامه ولحنانها فهي الصدر الذي نرتمي عليه عندما تضيق بنا الايام وهي القلب الحنون
ربي يخلي للجميع امهاتهم ويرزق الصبر والسلوان لكل من فقد أمه
تحياتي لك عزيزتي وان شاء الله يدوم التواصل