الاثنين، 5 أبريل 2010

شم النسيم

تطبيقا لمبدأ تلاقي الثقافات والانفتاح على الاخر والتعرف على عادات وثقافات الشعوب الاخرى أفيدونا أفادكم الله ما أساس الاحتفال بشم النسيم وما سر التسمية ولم البيض الملون كطريقة للاحتفال ولم الفسيخ في هذا اليوم بالضبط?

وسؤال أخر يحيرني هل الفسيخ يطهى بعد عملية التجفيف أم يؤكل مباشرة? وسؤال أخر ما المقصود بالرنجة?

في انتظار تواصلكم وتوضيحاتكم التي أشكركم عليها مسبقا أتقدم لكم بخالص التهاني وأطيب المتمنيات بهذه المناسبة وربي يديم عليكم الأفراح دائما.

هناك 52 تعليقًا:

غير معرف يقول...

ههههههههههه

ده عيد فرعوني يقال له شمو ... وتم تحريفه لشم النسيم

البيض بقا يقال انه رمز للخلق عند الفراعنه ..

الفسيخ ده سمك مملح وبيسيبوه في الملح فتره طويله ولا يطهى لانه بيكون اتهرى من الملح :) ..

الرنجه نوع من السمك يتم تبخيره بنوع معين من الاخشاب يعطي نكهه مميزه ثم يتم تمليحه

اي خدعه :)

تحياتي

هتشوفوا يقول...

بيض ملون ماشي رنجة ممكن فسيخ اوعي, انا ممكن ارجع لك في المدونة واقلب الدنيا

اعوذ بالله من الفسيخ

(حدث بالفعل) امي قالتلي من خمس سنين خطيبة اخوك جاية وروح هاتلنا فسيخ من نبروه وبعدين قالوا هات من المنصورة وخلاص
روحت ميت حدر, الراجل قاللي الفهولك كويس ولا هاتكلوه الوقتي, قلت له هيرجعوه الوقتي

المهم انا ركبت الميكروباص من هنا والاقي الركاب طلعوا مناديل وحطوا على مناخيرهم وحتى الاخ التباع والله عمل زيهم, ما هو لازم يثبت انه مش اقل منهم في حاجة وانه مالوش ذنب في الريحة,

والله طلعته على جتتهم لما روحت البيت لدرجة انهم خدوا الاكل ودخلوا اوضة عشان يبعدوا عندي

بس انا فاكر لما كنا بنروح الغيط كان بيقبى يوم جميل جدا, ولحد فترة بسيطة كنا بنروح الحدائق لحد ما سافرت

بس احسن حاجة, أغنية الدنيا ربيع لسعاد حسني

اما بالنسبة لسؤالك عن اصل الاحتفال فهما بيقولوا انه عيد مصري وكان قدماء المصريين بيحتفلوا بيه وبيلونوا البيض برضه

R-H-S يقول...

هههههههههههه
تلاقي الثقافات ؟؟
ماشي
انتي تعرفي الفسيخ ايه هو؟

هفترض انك متعرفيش بس علي العموم هو نوع من الاسماك اسمه بوري جميل جداا.... علي فكره انا جوعت وانا بتكلم عنه .... السمك دا بيتخزن لفتره مع الملح وشويه حاجات كدا وبدل ما يبقي اسمه بوري يبقي اسمه فسيخ ريحته بتبقي فظيعه بس تجوع انا جوعت منك لله

علي كل حال انا مبحبش اليوم دا انا قضيته في اني ماسك ريموت التليفزيون اقلب في قنوات الدش بلا هدف


لو هتردي علي تعليقك عاوزك تردي بالمغربي بحيث مفهمش حاجه من الرد ... اوك؟

تحياتي

ستيتة يقول...

بساء الخير سيداتي سادتي
ومعانا مس نوجا بتسأل عن شم النسيم

ده يوم عجيب قوي يا اختي

بدأ مع المواطنين الفراعنة اللي كان عندهم الدنيا روز فاتح وكل ايامهم اعياد ومناسبات
ثم جاء يوافق يوم يهودي مش فاكرة اسمه ايه هو كمان
واخيرا جه بعد يوم واحد من عيد المسيحين المسمى عيد القيامة

ما علينا الطقوس زمان كانت روعة
تصحي تلاقي بيض مسلوق ومستني تلونيه
او تلونيه وبعدين يتسلق كل بيت حسب مزاج الماما اللي فيه
ناكل خس وملانة "وهي كائن انقرض لدرجة اني تسيت طعمها بس مش ناسية شكلها
مؤكد بنهزر طول اليوم مع جيرننا المسيحين "ايام ما كان فيه وحدة مصرية اصيلة" لأن ده تاني يوم عيد لهم

كمان العائلات المهجنة اللي مش مصرية اصيلة بتاكل سمك في اليوم ده

اما صميدة ودعبس وبسطاويسي
فبيكثروا من اكل السمك المملح بجميع انواعه
رنجه "مدخن مملح"
فسيخ "مملح بس"
ملوحة "كارثة مصورة بس تحفة
وليمون وبصل وميغة يا معلم

يمكنك عزيزتي المواطنة المغربية الشقيقة ان تكشفي عن المصري بكاشفين فريدين

الأول هو المش
وهي جبنة توضع في وعاء فخار مع لبن وشطة وقشر لارنج وبرتقال وبلاوي تانية معرفهاش لأني بيغمى عليا من المش .. وتترك ولو بالسنين ويتاخد منها وتتقفل تاني وكل ما تقدم تعبر عن اصالة المصري القح :)

طيب طلع مش بيحب المش
متشكيش فيه مباشرة
عرضيه للكاشف التاني وهو الفسيخ او الملوحة
فإن استمر على عدم الأكل
تأكدي ان هذا الشخص دسيسة
ومش مصري اصيل
ولا النيل رواه
ولا الخير جواه :)

الرنجة دي بقى بتاعة القوم الفافي
علشان دلعة شوية ومتحسيش كده فيها بالظاليظ الفسيخية المملحة القاتلة الرافعة للضغط :)
فمش بندي الجنسية لأكلها
لأن اغلب العالم الأوروبي الفافي بيكلوها :)

مساء العسل احنا الجو النهاردة كان عندنا تحححححححححفة وكان شم نسيم فل اخر حاجتين تلاتة

إيمان يقول...

هههههههههههههه انا مش هاعرف افيدك حاليا
واكله فسيخ ورنجه وسمك
هههههههههههههههههههههه ومش قادرة
وبصراحه مش عارفه ليه سموه كده
بس هو عيد الربيع

Heba Faruq يقول...

كل سنة وانت طيبة وعيد ربيع سعيد
اعتقد اني لن اضيف جديد فاخواتي المصريين الاحباب سبقوني طبعا في شرح كل ما يتعلق بالفسيخ والرنجة واصل العيد الفرعوني
لكن انا بصراحة كنت فاكرة ان موضوع البيض الملون ده مالوش علاقة بالفراعنة وانه خاص بعيد الفصح لاني لقيته منتشر في دول العالم الغربي اللي طبعا ميعرفوش حاجة عن الفسيخ (ماركة مصرية مسجلة)
عموما هي عادات قديمة تثير البهجة والسرور وان كنت انا عن نفسي ماليش في موضوع الفسيخ والرنجة ده خالص من سنين طويلة بس ده لأسباب صحية
مش هتعرفيها إلا إذا دوقتي بنفسك

وكل سنة وأنت بخير وسعادة

هي وظروفها يقول...

والله يا نوجا اخوكي ميعرفش حاجه عنه اليوم ده بس في موروث ثقافي انه عيد فرعوني قديم

بس انا لولا واخيرا من عشاق الفسيخ ولو كلته كل يوم مبزهقش منه

وهو لا يطهي بعد التجفيف

بيتاكل خفيف خفيف كده وطعمه روعه

بس مبكلوش في اليوم ده تحديدا لسبب لو قلته هيضرب الوحده الوطنيه في مقتل واحتمال تقطع نسلها

لهذا ورغم كل ما تقدم المش والفسيخ من اطعم الاكلات لقلبي

واي حاجه حادق يمكن دي اكله مصريه خالصه ولا يحبها وخصوصا المش غيرناالمصريين

وسااااااااااااااااااااسلالالالالالالالالالالام لو كان بدوده اوعي وشك

سمع هوص (Abo 3li) يقول...

دكتورة ستيتة المتحدث الرسمي لجمعية الفسيخ الصاحي... قالت المفيد...
ولزيادة الافادة ده لينك ويكيبديا لشم النسيم
http://ar.wikipedia.org/wiki/%D8%B4%D9%85_%D8%A7%D9%84%D9%86%D8%B3%D9%8A%D9%85

Unknown يقول...

ممكن تلاقى كل الاجابات
فى جوجل انسر:)بس اللى
أعرفه أن أصله فرعونى
والفسيح بتاكل كده من غير
طبخ والرنجة نوع من السمك
بس متحضر بطريقة خاصة:)
افدتك انا يانوجا مش كده:)

sony2000 يقول...

لو كنتي جيتي هنا
كنتي هتلاقي عجب العجاب
وكنتي اتعذمتي عذوووووووومه
موش هتستحمليها اساشا
ههههههههههههه
ربنا يعديها علي خير

لاسع افندى يقول...

اللى سبقنى شرح

باقى بس اقول كل سنه والجميع بخير


تحياتى

sal يقول...

كل ربيع وانت بالف خير

خواطر شابة يقول...

فتاة من الصعيد
شكرا على التوضبح عزيزتي ونردها لك ان شاء الله في خصوصية مغربية عشان يبقى فعلا تبادل تقافات
دمت بكل الود عزيزتي

خواطر شابة يقول...

هتشوفوا
هههه ضحكتني يعني انت بتنصحني مجيش جنب الفسيخ نهائي احنا عندنا اللي بيملح ومعاه ثوابل خاصة هو اللحم واسمه القديد بس ده لايؤكل نيء حتى بعد التجفيف وانما يطهى
دمت بكل الود

خواطر شابة يقول...

عاوز اصحى
الفسيخ انا كنعرفه من الافلام والمسلسسلات لكن عمري ما شفته ولا كليته لكن انا اللي كنتعجب منه كلكم كتقولوا ريحته خايبة ومع ذلك كلكم كيعجبكم
انا جاوبتك بالمغربي شوف واش فهمت شي حاجة ولا لا?
تهلا فراسك بزاف

خواطر شابة يقول...

دكتورة ستيتة
كفيت ووفيت شكرا جزيلا وكل سنة وانت طيبة وبخير
كل الود والمحبة

خواطر شابة يقول...

emymony
فكرتيني بسمير غانم في مسرحية المتزوجون لما قال اللي واكل فول بيبان عليه
يا ستي بألف هنا وشفا الفسيخ والرنجة والسمك اللي كلتيهم مطرح ما يسري يمري
كل سنة وانت طيبة وبخير

R-H-S يقول...

هههههههههههههه
ايوه كدا تمام
بس جامده بتاعه ريحته خايبه دي

وبالزاف دي انا عارفها يعني كتير او اوي صح؟
اما تهلا فراسك دي مش عارفها

كل ردودك على تعليقاتي عاوزها كدا

لــــ زهــــــراء ــــولا يقول...

نوجا

طبعا الاجابات ما شاء الله كلها تماموووز على الاخر
المصريين اصلا اعيادهم مرتبطه ارتباط غير طبيعى بالاكل كل حاجه ولها حاجه .....
كل ربيع واحنا بخير وسعاده وربنا يعدى الفصل ده على خير لانه بيكثر فيه الامراض سواء النفسيه او الجسديه

خواطر شابة يقول...

هبة فاروق
صح كثير بقرأ عن حالات تسم جماعي بعد أكلة فسيخ اصل لو ماكانش فيه حفاظ على لشروط الصحية اكيد اانتيجة لم تكون مرضية ابدا ومش كل الاس عندها ضمير صاحي وبتراعي ربنا في اللي بتعمله
دمت بكل الود عزيزتي وكل شم نسيم وانت بخير وصحة وسلام

خواطر شابة يقول...

هي وظروفها
وانا طبعا مش حأسألك عن السبب حفاظا مني على الوحدة الوطنية بس سؤال هي حكاية دود المش دي حقيقة? انا كنت فاكراها مبالغات أفلام
كل سنة وانت طيب وبخير

خواطر شابة يقول...

سمع هوص
شكرا جزيلا على الاهتمام وجاري الاطلاع يا افندم
كل سنة وانت طيب وبخير

خواطر شابة يقول...

NORAHATY
انا عارفة اني بضغطة على زر البحث في غوغل حأعرف حاجات كثير لكن حتكون معلومات جافة اللي بسمعها منكم ليها طعم تاني ومن أهل البلد نفسه
كل سنة وانت طيبة حبيبتي

خواطر شابة يقول...

SONY2000
واضح انك مبتحبيش الفسيخ ولا بتيجي ناحيته صح ولالا
كل سنة وانت طيبة وينعاد عليك بكل خير

خواطر شابة يقول...

لاسع افندي
وانت بخير وصحة وسلام يارب
دمت بكل الود

خواطر شابة يقول...

SAL
على رأي سعاد حسني الدنيا ربيع والجو بديع قفل لي على كل المواضيع
كل ربيع وانت بخير وصحة وسلام
مع وودي

خواطر شابة يقول...

عاوز اصحى
تهلا فراسك يعني خلي بالك من نفسك تهلا معنها أعتني فراسك يعني بنفسك المجموع يعطي أعتني بنفسك
صافي ان شاء الله كل ردودي عليك ستكون بالدارجة المغربية ان شاء الله واللي مفهمتيهش نرجع نشرحولك
يالله تهلا فراسك

خواطر شابة يقول...

لولا وزهراء
خلي الدعوة عامة وربي يعدي كل الفصول على خير
موضوع الاكل وارتباط اكلات معينة بأعياد معينة ليست خصوصية مصرية حتى هنا الامر نفسه ده احنا مثلا اكلة الكسكس اصبحت مرتبطة بغداء الجمعة في كل البيوت
كل سنة وانتما طيبتان وحبيبتان
دمتما بكل الود

عزيز يقول...

هههههه

هادي هيا عيش نهار تسمع خبار

انا عمر سمعت بشي احتفال سميتو شم النسيم
كنعرف غي عاشورا وعيد المولد واليوم العالمي للشغل واليوم العالمي للكدب
مزيان نتعلمو

Hesham يقول...

شوفى ياصديقتى اجمل مافى شم النسيم ليس الفسيخ ولاسردين واو شم رائحه الورود والرياحين التى اختفت وحل محلها عوادم سيارات ولكن اجمل مافيه انه اجازة من الشغل
تحياتى

خواطر شابة يقول...

عزيز
ياك المثل كيقول "الاذن عمرها ما كتشرف" حيث ديما كتسمع الجديد
الانفتاح على الاخر راه مزيان وماكتخسر فيه والوا بالعكس تستفيد ان الافق ديالك كيكون واسع
تهلا فراسك بزاف وسلم على جرسيف

خواطر شابة يقول...

HESHAM
ذكرتني بنفسي هناك اعياد فرحتها تكمن فقط في انها يوم بلا عمل غير هذا الاحساس واحد مع غيرها من الايام
كل اجازة وانت طيب وبخير

عزيز يقول...

الانفتاح سمو غادي يجيب لي

باراكا عليا انا نفتح غي سرجم ديال دارنا

هههههه

راني مزال باغي نعرف سمو هوا هاد عيد شم النسيم وفوقاس كيكون
اما جرسيف راه نايض فيها غي لعجاج هاد ليام

أحمد الصعيدي يقول...

أعتقد أن فتاة من الصعيد أجابت علي أسئلتك

أسعدك الله

السلام عليكم ورحمة الله

خواطر شابة يقول...

عزيز
خاص تفتح الشرجم وتفتح معه قلبك للحياة
اقرأ التعليقات وانت تعرف قصة هذا العيد
هنا فاكادير الجو زوين مابارد ما سخون
تحياتي وودي

خواطر شابة يقول...

احمد الصعيدي
نعم الكل مشكورا أوضح الامر واستفدت من كل تعليق فشكرا جزيلا للجميع على تواصلهم
شكرا على اهتمامك بارك الله فيك
وعليكم السلام ورحمة الله وبركاته

تامر علي يقول...

هاجاوبك اجابة مختلفة شوية

المشايخ عندنا بيقولوا ان شم النسيم بدعة , وكل بدعة ضلالة وكل ضلالة في "النار" .... علشان كده الناس بتاكل في اليوم ده حاجه "حراقة" :))))

في تأملات جميلة بخصوص شم النسيم

- كل سنه عدد من الناس بيموت بسبب الفسيخ الفاسد .. ومع ذلك لايتوقف الناس عن أكل الفسيخ
- كل سنة المشايخ يقولوا ياجماعة الاحتفال باليوم ده بدعة والناس تزداد احتفالاً وابتهاجاً :))
- كل سنه اسعار الفسيخ والرنجة تزيد "رغم انها سلغ غير اساسية بالمرة " ومع ذلك يزيد الإقبال عليها
- كل سنة نقول للناس لاتلقوا بالمخلفات في الحدائق فتزيد كمية المخلفات في الحدائق
- كل سنة ... وانت بخير :)

اللى موش عارف يتغير يقول...

انا نسيت اساسا يعنى ايه شم النسيم

ماجد العياطي يقول...

اختي خواطر

اعتقد ان فتاة من الصعيد

افادتك جدا

P A S H A يقول...

خوااااااااااااطر


كل سنة وأنتِ طيبة وبتشمي
الــ

نسيم طبعاً

هههههههههههه

الرنجة دي بقى سموك تبقى مرات الرنج

هههههههههههههههههه

تحياتي
:)
سلام

♥نبع الغرام♥♪≈ يقول...

وحشتينى حبيبتى

اسفه انى متأخره لظروف مرضى اللى غصب عنى

كل عيد ربيع وانتى طيبه ياغاليه ويارب يحفظك ويطمنى عليكى
دعواتك ليا بالشفاء

بحبك اووى

خواطر شابة يقول...

تامر علي
قال الامام محمد ابن حزم البدعة هي كل ما قيل أو فعل مما ليس له أصل فيما نسب إليه صلى الله عليه وسلم ، وهو في الدين كل مالم يأت في القرآن ولا عن رسول الله صلى الله عليه وسلم ، إلا أن منها ما يؤجر عليه صاحبه ويعذر بما قصد إليه من الخير ومنها ما يؤجر عليه صاحبه ويكون حسناً وهو ما كان أصله الإباحة كما روي عن عمر رضي الله عنه ( نعمت البدعة هذه ) وهو ما كان فعل خير جاء النص بعموم استحبابه وإن لم يقرر عمله في النص
الاحتفال في حد ذاته لامشكلة فيه مادام يستغل لصلة الرحم والتفريج على النفس وعلى الاسرة باخراج الاطفال للمتنزهات يبقى فقط شكل الاحتفال النسان يستفتي قلبه فالحلال بين والحرام بين انا هنا لاأفتي لكن اقول ما اطمئن اليه قلبي
تعرف انا في كل هذا الاحتفال ما استغربه فعلا هو هذا السمك لانه صعب ضمان انه معد في ظروف صحية وبالتالي احتمالات التسمم تكون واردة وبنسب مرتفعة
بالنسبة لمسألة جمع المخلفات تلك مسألة تربية لاعلاقة لها بهذا الاحتفال او بغيره هي مسألة وعي منعدم وتقافة وانا مالي السائدة
كل سنة وانت طيب وبخير

خواطر شابة يقول...

االلي مش عارف يتغير
ياترى ايه سبب النسيان هل هو تعود بحيث اصبح من المسلمات أم العكس اي دليل على عدم اهتمام هذا هو السؤال
دمت بكل الود

خواطر شابة يقول...

ماجد العياطي
فعلا هي وفت وكفت مشكورة
دمت بكل الود والتقدير

Haytham Alsayes يقول...

السلام عليكم

ازيك ياخواطر شم النسيم اصله عيد فرعوني حتي كلمة شم النسيم دى موجودة في اللغة القبطية المأخوذة من اللغة الفرعونية القديمة

اما الفسيخ فالحقيقة انا بكره اكله وانا عن نفسي بفضل الرنجة لانها امان في الاكل ومفيدة صحيا عن الفسيخ وارنجة عبارة عن سمك مبخر مملح بطريقة معينة
اما البيض الملون فالحقيقة معرفش ايه الاصل بتاعه

تحياتي علي التساوءلات

صفــــاء يقول...

واااضح جدا ان المصريين شرحو ووفو واكيد دلوقت عرفتى كل حاجه عن شم النسيم

كل سنه وانت طيبه وتعالى شمى النسيم عندنا

خواطر شابة يقول...

PASHA
بقى الرنجة هي مرات الرنج وانا اللي كنت بدور مين مراته ياسيدي أفادكم الله
كل سنة وانت طيب وكل سنة وانت بتشم النسيم
مع ودي

خواطر شابة يقول...

ابتسامة ملاك
ياعزيتي أحبك الله الذي احببتني فيه يارب يتم شفائك على خير وكل سنة وانت طيبة وبخير
تمنياتي لك بدوام الصحة والعافية
مع حبي

خواطر شابة يقول...

هيثم السايس
وعليكم السلام ورحمة الله
شكرا على التواصل وشكرا على الاجابات وكل سنة وانت طيب وبخير
مع ودي

خواطر شابة يقول...

صفاء
صحيح عرفت كثير فاضل بس أجي أزور مصر وأشوف الامر على الطبيعة
دمت بكل الود عزيزتي
تحياتي وامنياتي بالصحة والعافية

مجرد بنت يقول...

انا جيت متاخرة اووووى
كل سنة وانتى طيبة والسنة الجاية بقا تاااااااااااكلى معانا فسيخ ورنجة وبصل وتصهللى
هتعمل احلى دماغ
وساعتها بقا سيبك من اى حاجة وبحلقى لعينك فى المراية وشمى ريحة ايدك بعد الاكل
واطلبى الاسعاف فوراااااا

خواطر شابة يقول...

مجرد بنت
هههههههه انت بتخوفيني ليه هي حصلت الاسعاف ههههه
نورت المدونة عزيزتي
دمت بكل ود