الثلاثاء، 5 يناير 2010

ماخاب من استشار



منذ كان سني ست سنوات وأنا أحمل نظارات طبية والحمد لله نتيجة للمتابعة الدائمة والزيارات الدورية للطبيب مرة كل سنة تحسن بصري تدريجيا وتحولت نظاراتي الطبية من ذات الزجاج السميك الى ذات الزجاج العادي الى عدسات لاصقة حاليا.

طول مدة حملي للنظارات والسنين الممتدة منذ ان كان عمري ست سنوات الى الان أصابني بالملل منها ومن شكلي بها.

مؤخرا اقترحت علي صديقة أن اقوم بعملية لتصحيح النظر تعتمد على زرع عدسات على حسب ما فهمت منها وقالت لي اني سأرتاح من النظارات للابد.

أنا سألت عن العملية هي نعم مكلفة من الناحية المادية لكن مقدور عليها بمعنى ليست غالية لدرج تعجيزية يعني متى ما توفرت الارادة أستطيع تدبير المبلغ لكن تبقى المشكلة في العملية نفسها
حتى صديقتي مقترحة الفكرة من الاصل قالت لي ضاحكة أجري العملية لكل عين على حدة بدل أن تذهبي لنزع النظارات وتعودي بعكاز أبيض.

لكل ما سبق أرجو ممن لديه معلومات عن هذه العملية مثلا احد من معارفه اجراها او لديه معلومات عن نسب نجاحها او مكامن الخطورة فيها أن يخبرني بما لديه لانني فعلا محتارة من جهة أريد فعلا اجراء العملية لانها تشكل بالنسبة لي طاقة نور ستريحني ومن جهة أخرى أنا خائفة من اجرائها وغير واثقة من النتيجة وكما يقول المثل المغربي "اللهم العمش ولا العمى".

هناك 66 تعليقًا:

سجود يقول...

اول تعليق ونقووووووول الووووووووو

بسمه عبدالباسط يقول...

بصى يا حبيبتى أنا اللى أعرفه هو موضوع الليزر يعنى بتعملى عملية بالليزر وهيا أيوة مكلفة ولكنها مش بتنفع لكل الحالات وده بيبان طبعا من الكشف قبل العملية
وساعات لو الناس د محتاجة تدقيق أكتر بنظرها زى الدكاترة مثلا ما بيرضوش يعملوها ليهم يفضلوا أنهم يلبسوا النضارة

بالنسبة للليزر مفيش منها ضرر على حسب ما سمعت
وأنا عن نفسى بفكر أعملها لأنى لابسة نضارة برضة

وتقريبا لو ما نفعتش مش هتضر
والله أعلم

سجود يقول...

انا اعرف واحده عملتها كانت بسيطه ماتقلقيش وربنا يوفقك

*همسة حب * زوزو يقول...

والله يا اختي معلوماتي عنها بسيطة لكن سمعت عن نس اجروها ونجحت وشخصيا كانت لي مدرسة اجرتها فعلا وارتاحت من النظارات لكن اهذا في اسبانيا المهم الافضل ان تستشير الطبيب و كمان سمعت من ناس تانيين ان مع المدة النظر يبدا في الضعف من جديد والله اعلم
اسال الله لك الشفاء

تحياتي

الطالبة عفو الله

*همسة حب * زوزو يقول...

وشكرا على اضافة مدوناتي عندك

الشاعر الفنان أحمد فتحى فؤاد يقول...

أختنا العزيزةأنا شفت بحكم عملى عن قرب شديد خارج الدولة إن ناس كتير عملت الليزر و الحدث الليزك و الأحدث الأنترا ليزك و كلهم أحسن كتيييير ألف مرة .. و العشرين ثلاثين شخص اللى شفتهم كلهم زى الفل و ماحصلهمش أى شىء

إتطمنى و إتكلى على الله تعالى الواحد الأحد.. و لما تبقى مثل زرقاء اليمامة ما تنسينا

هناء محمود يقول...

انا بصراحة يا أختى معنديش معلومات عن العملية دى بس أعرف إن التصحيح بالليزر أسهل وأأمن وابن خالتى عملها فى وقت قصير جدااا ما شاء الله

P A S H A يقول...

إخص عليكي يا خواطر !! ده اسمه كلام برضه ؟؟
عكاز إيه بس .. يا شيخه ؟؟ وأنا رحت فين .. ههههههههه

ربنا يا رب يهديكي للقرار السليم .. وينور بصرك وبصيرتك .. وإن إحتاجتي أي مبلغ بجد بجد أقل من أربعة جنيه أخوكي سداد ههههههه .. وبعدين أي فلوس
تحبي تحوشيها هاتيها على طول هههههه

عاوزه رأيي ؟؟

إسألي كويس قوي وإتأكدي قبل ما تاخدي الخطوة دي .. أنا حقيقي ما عنديش أي فكرة بجد عن الموضوع ده .. وكنت أتمنى والله أساعدك أو أقدر أفيدك أحسن من كده .

عموماً هو فيه حل برضه .. احنا نشوف حد يكون بيحسد وعينيه مدوره ونخلليه يعملها .. بحيث لو لا قدر الله ... يبقى في داهية عينيه هههههههه

ألف مليون سلامة عليكي بجد .. وما تغيبيش عن التدوين أكتر من أسبوع .. عشان ما نقلقش والماوس يلعب في عبنا ومخنا يروح لبعيد هههههههه

Unknown يقول...

هى اسمها الليزك
بتصحح (مقياس )
النظر لفترة ما
ما سمعتش عن حد
انضر فيها وكل
اللى عملوها
بيشكروا فيها جداً
ربنا يوفقك وتاخدى
القرار الصح.
وربنا ما يحرم حد
من عينيه ونور عينيه
ولا صحته ولا عافيته ابداً

R-H-S يقول...

كنا بناخد درس في الفيزيا كان عن الليزر انتي هتصححيه بالليزر ولا باليزك هي تفرق؟
المهم بيقول انه بيدخل الليزر في نني العين واخده بالك نني العين ويقوم مشرط الشبكيه يشرطها ازاي معرفش والله
بس انا لابس نضاره اي نعم متعبه لما الواحد يكون صاحي من النوم ويبقي مش شايف ويقعد يدور عليها
بس الحمد لله علي النظاره انا اول مالبستها فرحت حسيت ان الدنيا نضفت

انا مش عارف اساعدك صراحه في اتخاذ القرار انتي عاوزه تسألى دكتور ناصح كدا وفاهم

تحياتي

غير معرف يقول...

مراتي عملتها من سنين والى الان لا مشاكل اطلاقا

بس للأمانة

ما زرعتش عدسات

صححوا نظرها من غير زرع

هيثــم رمضـــان يقول...

عملية تصحيح النظر أو الليزر وده الأسم الدارج لها في مصر وهي منتشرة جداً في مصر وبتم بنجاح وفي محيط شغلي أعرف ثلاث أو أربع أشخاص عملوها بنجاح بس ما تنفعش في النظر الضعيف جداً لكن طالما إنك تستخدمي نظاره عاديه فيمكنك عمل العملية أما بالنسبة للتكاليف هي بتتكلف في مصر حوالي 4000 جنيه يعني حوالي 730 دولار لكن مش عارف مستوي الكفاءة الطبية في هذا المجال في المغرب ولو كانت زي مصر فلا مشكلة في إجراء العملية وكمان خلي بالك علشان في معظم الحالات بتحتاج لنظارة قراءة عند سن الاربعين وربنا يوفقك إلي ما فيه الخير.

تحياتي

البنفسج الحزين يقول...

انا اعرف واحده صاحبتي عملتها...
في الاول لازم تروحي للدكتور اللي هتعملي عنده عمليه التصحيح عشان هيقيس النظر بتاعك لان فيه نسبه معينه ممكن ينفع معاها الليزر ولو النظر أقل مينفعش معاة الليزر بيعمل زرع عدسات في العينين ودي العمليه اللي عملتها صاحبتي وهي بتقول انها عمليه سهله ومفيهاش ألمبتتعمل علي جلستين واحده لكل عين...
استشيري دكتور ثقه وشاطر وبعدين استخيري ربنا وبعدها اتوكلي علي الله ومتخافيش...متعك الله وايانا بالصحه والعافيه

عزيز يقول...

اهلا اختي خواطر شابة

اعتقد ان استعمال النظارات افضل بكتير من العدسات اللاصقة
ليست لي خبرة لكن ما سمعت عنها ان صاحبها يجب ان يتجنب الاشعة القوية والجلوس الطويل امام التلفاز والحاسوب والنظر مباشرة الى الشمس

يعني الضو المجهد خاطيك عليه
والله اعلم

مجرد وجهة نظر
النظاظر حسن لي لونتي

ليس فقيرا من يحب يقول...

السلام عليكم

ازيك يا روح قلبى يارب تكونى بخير

انا بصراحه معنديش فكرة عنها بس اللى

اقدر اقولهولك ربنا يدلك للطريق السليم

وميحرمكيش من نور عنيكى ابدا

اسألى كويس ولو هتعمليها يبقى فى مكان موثوق منه قوى

وصلى صلاة استخارة

ربنا يوفقك وييسرلك امورك يا حبيبتى

Tamer Nabil Moussa يقول...

شوفى خواطر

لو انسان مر بنفس تجربتك وعمل العملية ونجحت دة مش مبرر انك تعمليها

روحى لدكتور متخصص غير اللى بتتعاملى وياة واسالية اكيد هيقول ليكى الصح من الغلط وفى توابع غير مستحبة من العملية

ولوفضلتى كدة افضل ولا العملية افضل وهيكون ليها سلبيات

واسالى دكتور تانى

والى يطمن لية قلبك اعملية

مع خالص تحياتى

الشعب لابد له من حكومه تشكمه يقول...

بصى ياقمر اولا دى عمليه سهله جداااااااااااا,,
بنت خالى وابن خالى عملوها من 3 سنين تقريبا وماشاء الله كله تمام..

دا غير انهم خرجوا فى نفس اليوم بس لازم تقعدى اسبوع بعدها فى البيت متتعرضيش للشمس وشويه قطره,

وبعدها بتبأى زى الفل.

على فكره اعرف ناس كتير جدااااااااا عملتها .دى دلوقتى اسهل حاجه..
بس شوفى دكتور كويس يقيس النظر وشوفى هيقولك ايه؟


صلى استخاره وروحى لدكتور كويس..:))
ومتخافيش اوى كده:)

فشكووول يقول...

ازيك يا صاحبة الخواطر

تحياتى

انا من وجهة نظرى بلاش خالص ...

عارفه ليـــه ؟

عشان دى حاجه غير طبيعيه .. وربنا خلق الانسان فطرى طبيعى واى حاجه غير طبيعيه نتائجها غير ساره حتى على المدى الطويل.

شوفى الواد الزنجى بتاع امريكا اللى اسمه ايه .. اسمه ايييه .. اسمه ايييه ...آآآه .. اسمه مايكل جاكسون .. اللى حصل له دا علشان عمل تغييرات وحط فى جسمه حاجات مش طبيعيه.

وهيفاء وهبى بدات فى الشكوى عشان هى حاطه فى جسمها سيلكون كتير

مالها النطاره يعنى .. متهيأ لى مع انى ما شفتكيش الا انها زى العسل عليكى .. ما فيش مانع تحطى عدسات .. لما تزهقك تقلعينا .. لكن زرع جوه العين ...لأأأأأأأأأأأأأأأأأأأأأأأ
كفايه ... سلام

خواطر شابة يقول...

سجود
ألو ونقول مين معانا

بسمة
اهلا بزميلة الكفاح ورفيقة النظارات
انا سألت الدكتور قال لي انني سأجري راديو قبل العملية وهو الذي سيحدد ان كان يمكن اجرائها ام لا اي هل العين ستتحمل العملية ام لا
تحياتي لك عزيزتي

سجود
ومعانا سجود ونقول الو
الله يطمنك
تحياتي لك عزيزتي

خواطر شابة يقول...

همسة حب
لاشكر على واجب عزيزتي هذا من دواعي سروري
من تعليقك هنا ومن تعليقك في مدونة اقاصيص افهم نك من مهاجرينا في الخارج بالتحديد اسبانيا هل تخميني صحيح?
غالبا عزيزتي سأتوكل على الله وسأجريها فقط سأخذ وقتي قبل اختيار الدكتور الذي سأجريها عنده والكمال على الله و لن يصيبنا الا ما كتب الله لنا
تحياتي لك

الشاعر الفنان احمد فتحي فؤاد
الله يطمنك يارب شكرا لاهتمامك
ادعي انت بس انها تنجح انا مش طمعانة اني ابقى زرقاء اليمامة
ابقى اعملي قصيدة مخصوص يوم ما ابقى زرقاء اليمامة عشان تكون فرحتي فرحتين ههه
تحياتي لك

sal يقول...

انا عندى معلومات....
اقول بسم الله
حضرتك بتسألى عن الليزك
دا بينفع لما يكون قصر النظر من ناقص 8 وانت نازل
اى فاقل ناقص 6 ، 4 وهكذا
واليومين دول بيعملو ا عمليات حتى لو كانت القراءة
كبيرة ولكن بتقنية جديدة حاقولك اهو
عملية الليزك عبارة عن تسليط الليزر على القرنية حتى يتم كشط او ازالة جزء من سماكتها
مما يغير البعد البؤرى وبذلك يتحسن الابصار
اى تقع الصورة على الشبكية تماما
هناك عملية اخرى وهو زرع العدسة دبل فل مكان العدسة الداخلية يعنى كانها عملية ازالة الميه البيضاء ودى بتتعمل للناس الكبار شوية فى السن يعنى بعد 45 والعدسة المزروعة توضع فى مكان العدسة القديمة بعد الحفاظ على الكبسولة الخاصة بالعدسة القديمة
الخلاصة اللى يقولك خلقة ربنا احسن والكلام ده
اقول له كله من قدر الله الخلقة والتداوى
نسيت اقول ان صورة الراديو بتوضح سماكة القرنية
وما هو حجم الكشط اللى بتعملة الليزر لا ن فيه ناس
القرنية عندهم "قمعية" ورقيقة ولا ينفع فيها الكشط
فتكون عملية زرع العدسة هى الحل المتاح
وعلى فكرة ايضا حديثا فى عملية زرع عدسة داخل العين فى الحجرة الامامية مع الاحتفاض بالعدسة القديمة فى مكانها وفيه مين اللى بيعملها فى مصر...
ربنا معاك ويهديك للقرار السليم والدكتور السليم والمركز السليم
ادام الله عليك نعمة البصر والبصيرة
السلام عليكم

بحر الالوان يقول...

من قال لا اعرف فقد افتي .......واظن بعد فتواي المفيدة دي ......اقولك يارب يرزقك كمال البصر وجمال البصيرة .

تحياتي لك

Dr. Ibrahim يقول...

عملية الليزك..مش زرع عدسة ولا حاجة ...ولكن لها شروط ومقاييس ومتطلبات معينة فى درجة النظر وسن المريض ..
ومش أى حد يعملها انا عن نفسى كنت عليا أعملها
ومعظم أطباء العيون فى مركز العيون لدينا لم يقوموا بها ويلبسون النظارات وعملية الليزك مثل أي عملية جراحية أخرى لها بعض المخاطر مما يتطلب خبرة جراحية كبيرة لدى الطبيب المعالج ويجب على الطبيب المعالج أن يعطى للمريض المعلومات الكاملة المتعلقة بالعملية ومشاكلها حسب درجة قصر النظر.
ولو حضرتك لابسة عدسات لاصقة سواء كانت soft
او
hard
لها احتياطات قبل العملية لان كل نوع لازم يتخلع قبل العملية بمدة معينة...
ونصيحة اختارى المركز او الطبيب المعالج بعناية لأنها فى الغالب سبوبة كبيرة...وممكن الطبيب ميذكرش كل المعلومات فأسألى على أى حاجة...
وبالتوفيق..

سامر محمد عرموش يقول...

الاخت الكريمة
خواطر
ربنا يسهل لك العملية وتنجح وتشوفي بدون نظارة ولا عدسة
اسف لا املك معومات عن العملية

وفقك الله

تحاتي

حنين يقول...

ربنا معاكى يا عزيزتى
انا كمان اعرف قريب لى اجرى زرع عدسات
وكانت عمليه بسيطه
بس انا بخاف جدا من الحاجات دى وراى
زى استاذى فشكول
وعموما صلى استخاره
وربنا يهديكى للخير

خواطر شابة يقول...

ام بوبة
شكرا لاهتمامك وتواصلك واللي فيه الخير يقدمه ربنا
تحياتي لك

PASHA
ضحكتني والله العظيم لحد حلوة لو احتجتي مبلغ اقل من اربعة جنيه اخوك سداد والله ضحكت لحد ما عيني دمعت على العموم العملية مش حتكلف اكثر من كده
بس بجد تعليقاتك مختلفة دائما ولها نكهة خاصة
شكرا لتواصلك تقبل تحياتي

norahaty
معك حق ربنا ما يحرم حد من نور عينيه
جزاك الله خيرا على الاهتمام ربنا يطمئن قلبك دائما
تحياتي لك

خواطر شابة يقول...

عاوز اصحى
اهلا بك انت ايضا مع بسمة رفيق النظارات يبقى انت كمان زميل كفاح
حلوة منك حسيت ان الدنيا نظفت انا بقى في سن الست سنوات كنت فرحانة اني حالبس نظارات فلما والدي الله يرحمه خذني عشان نشتري اطار للنظارات ووبعدين يتركب عليه الزجاج فأنا اول ما لبست الاطار ومن فرحتي وخوفي انهم يتراجعوا ومايشتروليش نظارة قلت لابي اول ما لبست الاطار خلاص انا شايفة كويس فاللي بيبيع دخل ايده جوا الاطار وقال لي دي عنيك وكان موقف عمري مانسيتو
تحياتي لك

مصري جدا
ربنا يطمنك انا معرفش بالضبط ازاي حتكون تصحيح او زرع انا لسه حسأل انا اللي أعرفه ان الدكتور قال لي حيعملوا لي راديو هو اللي حيحدد اذا كان ممكن اعملها ولا لا
شكرا على تواصلك
تحياتي

خواطر شابة يقول...

هيثم رمضان
في المغرب العملية بتكلف 12000 درهم مغربي يعني 1200 اورو يعني مش رخيصة اما بالنسبة للكفاءة بصراحة امامي خياران اما ان اجريها في مدينتي وهنا مسألة الكفاءة فيها نظر او انتقل الى العاصمة واجريها هناك
شكرا على تفاعلك جزاك الله خيرا
تحياتي لك

البنفسج الحزين
انا كمان الدكتور قالي ان الراديو هو اللي حيحدد امكانية اجراء العمليه من عدمه لانه قال لي سيظهر ان كانت العدسة تتحمل العملية ام لا
نسأل الله التوفيق لانني بنسبة كبيرة قررت اجراءها ان شاء الله
شكرا على التواصل
تحياتي

خواطر شابة يقول...

عزيز
انا الان لي تقريبا ثلاث سنوات استعمل العدسات اللاصقة ولم اواجه اي مشكلة بالطبع استعملها فقط في العمل او عند خروجي اما في البيت فاستعمل النظارة وايضا في الجو الحار او عندما تكون هناك رياح استعمل النظارة غير هذا النظافة هي الاساس متى ما احترمنا قواعد النظافة لامشكلةغسل اليدين بالصابون قبل الاستعمال حفظ العدسات في محلولهم الخاص هو مجهود صحيح لكن النتيجة هي عدم حدوث مشاكل
شكرا لاهتمامك بارك الله فيك

ليس فقيرا من يحب
وعليك السلام ورحمة الله عزيزتي
أكيد سأسأل واسأل قبل ان اقدم على اي خطوة وسأصلي الاستخارة اكيد
شكرا على مشاعرك النبيلة ربي يخليك
تحياتي لك

خواطر شابة يقول...

Tamer Nabil
اكيد سأحاول ان ارى اكثر من دكتور قبل ان اختار الاصلح وانا افهم جيدا ان كل حالة لها خصوصياتها لكن انا اسأل فقط ليطمئن قلبي
شكرا على تواصلك
تحياتي

شيما العسل
ربنا يطمئن قلبك انا بنسبة كبيرة خلاص ان شاء الله حأعملها انا حأبتدي اسأل عن الدكاترة اللي بيعملوها هنا وأشوف رأيهم حيكون ايه وبالله التوفيق
شكرا على اهتمامك يا حبيبتي

خواطر شابة يقول...

العم فشكوول
الله خلق الداء والدواء وقال لنا اننا ناخذ بالاسباب وانا اللي بأفكر اعمله مش تغيير في خلق الله زي ماعمليات التجميل بتعمل لا انا بأصحح النظر يعني عملية زي غيرها زي الزائدة او المعدة او اي حاجة تانية تداوي مش تجميل
تعليقك اسعدني ورأيك انا احترمه وأقدره وأشكرك عليه
تحياتي واحترامي

خواطر شابة يقول...

sal
شكرا جزيلا على هذا الجواب الشافي جزاك الله خيرا
بارك الله فيك
تحياتي لك

بحر الالوان
من قال لااعرف فقذ افتى معك حق شكرا لكلماتك الطيبة ودعواتك الطيبة جزاك الله خيرا
تحياتي واحترامي

Dr Ibrahim
ماهي السبوبة دي هي اللي مخوفاني محتاجة فعلا لدكتور ثقة يديني رأيه بس الاقيه فين على العموم يا دكتور ولو فيها ازعاج انا لما اروح اشوف الدكتور وقبل ما أعمل اي حاجة الله يخليك تسمحلي باستشارة اخيرة احط فيها قدامك كل اللي اتقال لي وتديني رأيك وتبقى عملت فيا جميلة مش حأنساها لك طول عمري
تحياتي لك

خواطر شابة يقول...

سامر محمد عرموش
شكرا لاهتمامك ومن قال لااعرف فقد أفتى
شكرا لمشاعرك النبيلة بارك الله فيك
تحياتي لك

حنين
الخوف ده طيعي وشعور انساني مش عيب
الانسان يأخذ بالاسباب والكمال على الله
ياربي يهدي الجميع لما فيه الخير لهم
شكرا على تواصلك
تحياتي

حنعيش يعنى حنعيش يقول...

مساء الفل ...ماتسأليناش ...والله حنفتيللك ونقولك سمعنا وجنبنا واللى فوقينا ...استشيرى 3دكاترة كل واحد على حدة واسمعى وبعدين اتكلى على الله...ملحوظة دورى على دكاترة عندها ضمير ويكونوا عملوا العملية دى كتير قبل كدة

Dr. Ibrahim يقول...

السبوبة..يعنى فولس العملية كتيرة مثلا عندنا من 3 إلى 4 الاف جنيه مصرى فممكن الدكتور ميقولش كل المعلومات الخاصة بالعملية عشان المريض يعملها...
على الرغم ان لازم كل المعلومات تتقال من خطورة إلى من هم المفروض تتعملهم العملية..يعنى العملية ليها Indications باللغة الطبية

ماشى حاضر..أى خدمة تحت أمر حضرتك

شيرين يقول...

والله أنا زوجي عملها من 3 سنين واخته كمان والحمد لله لا مشاكل ولكنهم عملوا ليزر فقط واتكلفت تقريبا 4 الاف وكان نظره ضعيف جدا
حتى انا بفكر اعملها واتكلي على الله وان شاء الله خير

أبو ريان يقول...

مرحبا
انا عندي حل اخر..
عطيني 12000 درهم وانا نورييك الطريق ايلا مابقيتيش كتشوفي ونجي نقلب ليك على النظارة ونغسل ليك العدسة..
غير فكري مزيان..
راه الكونترا فيها 25 عام

iHibo يقول...

السلام
اثارني موضوعك فقررت الاجابة
قرات خبر زرع القرنيات او التلاعب فيها .. وأكدت لنتائج ان العملية ناجحة 100%

ما عليك هو زيارة الطبيب لمعرفة المزيد وطبعا يكون مختص في هذا المجال .

ستستعيدين بذلك نظرك ال 10/10 فهنيئا مسبقا

سلام

ستيتة يقول...

هل هي ليزك؟
اظن مش ليزك
لأن الليزك مفيهوش تغيير عدسات
الليزك سهل جدا وبقى فيه خبراء اكتر من الهم ع القلب في العالم
لكن زرع عدسات ده للأسف معنديش عنه اي معلومات
يارب ربنا يوفقك للطيب الصالح ابن الحلال الذي يخشى الله وعذاب الآخرة
ورأي دكتور اسلام حلو جدا

اقصوصه يقول...

عن نفسي للاسف ما عندي خبره

عيوني بعد بحاجه لعمليه

بس انا اجبن من اني اسويها :(

mimi يقول...

ليا صديق عمل عملية الليزك " تصحيح إبصار بأشعة الليزر"
ومحصلش له جديد يعني فشلت العملية

بس معرفش زرع العدسات ده إيه
أحسن تفضلي بالعدسات

ده رأيي ، والله أعلم طبعا

أستخيري .... واللي تحسي مرتحاله أعمليه

ربنا معاكي

لجين أبو الدهب يقول...

مش عارفة ؟؟
هو انتى قصدك على عملية الليزك ولا حاجة تانية ؟؟

لو كده يبقى ان شلءالله اطمنى فى كتير من صحباتى عملوها والحمد لله ماشية تمام معاهم جدا واطترهم بيعلمها دلوقت

انا من وجهة نظرة صلى استخارة وتوكلى على الله

ربنا يعافيكى من كل سوء
دمتِ بخير ..

-_- يقول...

عملية الليزك اصبحت بسيطة جدا و اسهل من اللوز كمان

خواطر شابة يقول...

حنعيش يعني حنعيش
شكرا على النصيحة لكن انا الان بسؤالي الكثير من التعليقات افادتني واعطتني معلومات وتوضيحات لم اكن اعرفها لكن ان شاء الله اكيد سأسأل اكثر من دكتور قبل اتخاذ القرار
تحياتي لك

Dr Ibrahim
شكرا جزيلا لك

الشموع السوداء
ربي يطمئن قلبك شكرا لاهتمامك
ان شاء الله يدوم التواصل
تحياتي

خواطر شابة يقول...

ابو ريان
لا اخويا يفتح الله مبغيتش ما حك جلدك مثل ظفرك
تهلالي فراسك بزاف

Hibo
شكرا على اهتمامك والحمد لله غالبية الاراء اتفقت ان العملية أمنة قيا رب يهديني لما فيه الصالح
تحياتي لك

خواطر شابة يقول...

دكتورة ستيتة
لا انا فقط اخطأت التعبير ما فهمته من الدكتور ان العملية ستجرى بالليزر على عدستي انا لذا طلب مني اجراء راديو من قبل يبين ان كانت تحتمل ذلك ام لا
لاأعتقد ان الامر في حالتي سيكون بزرع عدسة ذشكرا على تواصلك وعلى دعوتك الطيبة جزاك الله خيرا
تحياتي لك

اقصوصة
طب ما يالله نشجع بعض ولا أقولك جربي فيا ولو نجحت كما اتمنى ان شاء الله اعمليها انت ايضا
تحياتي لك

mimi
طبيعي ان الحالات تختلف والنتائج ايضا تختلف وفي النهاية لن يصيبنا الا ماكتبه الله لنا
شكرا على تواصلك حبيبتي ربي يخليك

لجين ابو الذهب
على حسب ما فهمته من التعليقات العملية اللي ناوية اعملها ان شاء الله هي اللي بتقوله عليها الليزك
ربنا يطمن قلبك عزيزتي واكيد ان شاء الله سأصلي استخارة
تمنياتي بدوام التواصل
تحياتي

Sharm
اسهل من اللوز متأكد? طيب ياسيدي يارب يكون ده فعلا هو واقع الحال
شكرا على تواصلك
تحياتي

الآمير أمير شهريار حسن الدين يقول...

لسلام عليكم

انا لسة مدون جديد ولسة يادوب عامل المدونة من ساعة وكدة اول زيارة عند حضرتك مش هقدر اقول حاجة اكتر من اللى قال قبلى

بس ياختى الفاضلة لو كنتى مستريحة خليكى لو تعبانة اسالى دكتور متخصص وقدير بالثقة وسمعتة تكون كويسة

ربنا معاكى

تحياتى

نعكشة يقول...

اعتقد تستشيري طبيب رمد افضل

وربنا يعملك اللي فيه الصالح

سلامٌ عليكِ

خواطر شابة يقول...

الامير امير شهريار حسن الدين
اهلا بك في عالم التدوين وان شاء الله يدوم التواصل
سعيدة بزيارتك
تحياتي

خواطر شابة يقول...

نعكشة
طبيب رمد? الذي اعرفه ان الرمد مرض بينما انا ما عندي هو فقط ضعف ابصار
شكرا لاهتمامك وبدعي ربي يهديني للي فيه الصالح
تحياتي لك

admin يقول...

أختي الكريمة، قبل أن تعملي عملية لزرع العدسات يجب أن تستشيري أكثر من طبيب مختص، فإن وجدت اختلافا في ما يقولونه، فرجحي المنطقي منه وتوكلي على الله..
وخذي بعين الاعتبار إن ارتحت لإجراء العملية ضغط دمك يجب أن يكون عاديا، وكذلك ضغط العين، لأن أي اختلاف في نسبة الضغط قد تؤدي إلى مشاكل أثناء العملية، والأصل أن لا تجرى بتاتا إلا بعد عودة ضغط الدم إلى طبيعته..
وإن شاء الله يكون خير..

مع ودي..

MooNLighT يقول...

اذا كنت تقصدين الليزر او الليزك

فأنا اعرف ناس كثير عملوها اقربهم اختي

بس اهم شي الدكتور و((العيادة))
يكون جيد ومعروف انه ماهر

الله يعطيك الصحة والعافيه

كرسي أعتراف يقول...

أفضل النظارات والعدسات إن كانت العملية بها خطر علي عيناكِ

وإن كانت سهلة ومتطلب عملها ، توكلي علي الشافي

تقبلي مودتي

Atef Shahin يقول...

أختي الكريمة
زرع العدسات يكون في حالة عتامة العدسة او ما يسمى بالكتراكت او المياه البيضاء اما اذا كان سبب ضعف النظر هو قصر او طول النظر فالأنسب هو الليزك

تحياتي

Hello, Hollywood! يقول...

howa ana a3raf nas keter 3amaloha menaha 2aryby we a3raf nas kobar fe sen gedety 3amlenaha we 3adya bas aham 7agah mafesh ta3rod lel eda2at el 3alya le modet shahren be el keter we ba3d keda ba2a peace .. we mesh ba2et sa3ba de hayfa awy mesh 3aref beta5od one hours 7agah keda

صفــــاء يقول...

لا يا قمر ألف سلامه عليكى

اللى اعرفه انها تصحيح بالليزر
لكن هى مش بتعمل المعجزات يعنى

على حسب معرفتى هى بترجع درجه البصر للدرجه الطبيعيه المولود بيها الشخص ... يعنى لو انت مثلا نظرك أصلا ضعيف فهى مش هتخليه قوى .. لا هترجعه لأصله قبل ما يضعف اكتر ... مش عارفه لكن الأفضل تستشيرى مليون مرة قبل ما تقربى من عنيكى .. لأن نص العمى ولا العمى كله ... الف بعد الشر عنك وان شاء الله تطلع حاجه بسيطه

خواطر شابة يقول...

خالد ابجيك
شكرا لاهتمامك وهذا ما سأفعله ان شاء الله
تحياتي لك

MooNLighT
سعيدة بتواصلك وان شاء الله يدوم
فعلا سأسأل عن طبيب جيد قبل الاقدام على هذه الخطوة
شكرا لاهتمامك تحياتي لك

كرسي اعتراف
عزيزتي ثبث بالسؤال هنا وفي محيطي ان العملية سهلة لذا سأقوم بها ان شاء الله اول ما أخّذ اجازة من عملي
شكرا لتواصلك
تحياتي

Atef Shahin
نعم ما سأجريه ان شاء الله هو الليزك
تحياتي لك وشكرا على تواصلك

خواطر شابة يقول...

Copa Zaki
شهرين من غير اضاءة عالية طب ازاي انا عملي كله قدام الكمبيوتر ربنا يستر
شكرا لتواصلك تحياتي

صفاء
انا اللي اعرفه انها بتصحح النظر يعني بيبقى 10 على 10 وبنستغني عن النظارات نهائيا مش بترجعه بس لاصله لو كان بس كده يبقى استفدنا ايه ماهو ضعيف من الاساس
الحمد لله انا اتطمنت انها عملية سهلة وقررت اني اجريها ان شاء الله الان المسألة مسألة وقت فقط والله الميسر ان شاء الله
تحياتي لك

micheal يقول...

فعلا ما خاب من استشار..عن نفسي عندي استجماتيزم ونفسي يجي اليوم اللي استغنى فيه عن النظارة
:)

خواطر شابة يقول...

micheal
اهي جاتلك عالطبطاب جرب فيا لو نجحت اتوكل على الله واعملها انت ايضا
تحياتي لك

мαησηα يقول...

هههههههههههه كنت هاكتب انا بوست شبه ده لانى زيك بالظبط ودلوقتى قيت استسهل النضارة عن العدسات كمان

لان العدسات بتتعبنى من التراب وكده

المهم اللى عرفته وسمعتهوشوفته محدش أتئذى منها

لكن بينى وبينك انا خفت انا من النوع الخواف شوية فقلت نص العمى ولا العمى كله

خفت لحسن تيجى معايا انا وتعك وقلت مالها النضارة حلوة وزى الفل ههههههههههه

جميلة مدونتك للاسف اول مرة اجى بس انبسطت اوى

دمتى بخير ولو عملتى العملية طمنينى يا اوختى

خواطر شابة يقول...

MAMOMA
معرفش اذا كنت كتبت اسم المدونة صح ولا لا بس انا قريتها كده لو غلط يبقى العتب على النظر يا أختي هههه
انا بقالي اكثر من 4 سنين بحط عدسات ومفيش مشاكل هما بس محتاجين عناية وحفظ جيد عشان متحصلش مشاكل
حأقولك زي ميشيل جربي فيا الاول وبعدين خذي قرارك انت
سعيدة بزيارتك الاولى وان شاء الله تتكرر واهلا بك صديقة عزيزة
تحياتي لك

أحمد عبد الحميد يقول...

أنا عارف إن التعليق ده متأخر شوية بس أنا متابع كشف النظر عند دكتور من أكبر دكاترة مصر وهو حسين شاكر المرقبى وهو دكتور عنده ضمير جدا جدا ونصحنى معملش العملية.
أنصحك لو عايزة تعمليها إكشفى عنده الأول
هو عنده مركز طبى فى مصر الجديدة لو عايزة العنوان ممكن أبعتهولك واللى يقولك عليه إعمليه وإنت مغمضة ودى نصيحة صادقة لوجه الله

خواطر شابة يقول...

ابو حميد
انا فين والدكتور فين انا في المغرب
شكرا على الاهتمام وعلى النصيحة وربي يقدم اللي فيه الخير

мαησηα يقول...

ههههههههههههه لا بعد الشر عنك تيجى نجرب ف حد مانعرفوش من اياهم (وش بيغمز بس غمزة خبيثة )ههههههههه

ربنا يبعد عنك الشر كله ياحبيبتى ويكرمك باذن الله والاحسن دايما يكون ليكى

ياستى اسمى منونا والعتب عليا انا اللى مش كاتباه عدل زى الناس غاوية فلحصة ( من فلحوص)ههههههههههه

هاغيره لجل عيونك ياقمر اى خدمة

shimaa.M.Khalil يقول...

على فكرة انا برضه عارفة د حسين شاكر منذ زمن وهو صديق للعائلة كلها
وكشف على قبلها وهو اللى عملى العملية بنفسه،يمكن نظرك فيه شىء لو عيونك فيها شىء ياأخ حميد