الخميس، 25 مارس، 2010

تخاريف


عندما قرأت تدوينة احيطك علما لوليد صاحب مدونة هي وظروفها التي تحدث فيها عما يتمناه في من سيهواها ومن سيرتبط بها علقت وأخبرته ان المشكلة ليست في وجود من تحمل الصفات التي يبحث عنها من عدمه المشكلة هي في فرصة أن يلتقيا.

هذه التدوينة جعلتني أتسائل لو فكرت ان اكتب عن نفس الموضوع ترى ماذا كنت سأكتب بما كنت سأخبره بما كنت سأحيطه علما وجدت في بالي أشياء كثيرة قد لا يتسع المجال لذكرها هنا ربما تلزمني سطور وسطور.

صراحة أنا لم يكن الزواج في حد ذاته يوما هدفي لن أقول أني غير راغبة في ذلك أو أني لا أتمنى عشا خاصا بي ورفيق عمر لو قلت هذا سأكون كاذبة لكن مع ذلك لاأرغب في الزواج لمجرد الحصول على لقب متزوجة لا أريد ظل حائط أفضل ان ابقى العمر كله بلا زواج على أن أٍرتبط بمن لا يوافق ما أتمناه وأحلم به.

لكن بالله عليكم لم علي أن أبقى محاطة بنظرات التعاطف من محيطي لم لايقتنعون أن هذا خياري ويحترمونه لم علي دوما أن أجيب كل من عرف سني على السؤال الممجوج والمكرر لم لم تتزوجي الى الان?

أنا مقتنعة تماما أن الحياة نعيشها مرة واحدة ولاسبيل لعيشها مرة تانية فلنعشها كما نريد وبما نحن مقتنعون أن فيه سعادتنا, الاستسلام لضغط المجتمع على حساب قناعاتنا خطأ كبير لن يدفع غيرنا ثمنه وأنا صراحة لست على استعداد لدفع الثمن.

هناك 52 تعليقًا:

sony2000 يقول...

طب تصدقي بالله
لو دلخلتي عندي لسه كتبه حااااااااالا عن وحده صحبتي فالموقف ده
الاهل والكل عوذين حااجه والضغوط شغاله
واحنا فدماغنا حاجه تانيه
ربنا يهديهم..ليهديهم
ههههههههههه
ربنا يهدي الجميع يييييييييييييييارب

star in the sky يقول...

صحححححح

الحياة هنعيشها مرة واحدة

يبقى نعيشها صح
نعيشها زى ما نحب وبالطريقة اللى تعجبنا
ونمشى فى الطريق اللى نشوفه صح مش اللى حوالينا شايفينه ازاى

سمع هوص (Abo 3li) يقول...

من حقك طبعا تعيشي حياتك بالشكل ال انتي شايفاه هيسعدك..

ربنا يرزقك بابن الحلال ال في احلامك.. ال هيشركك احلامك..

تحياتي

ستيتة حسب الله الحمش يقول...

انتي عارفة يا نوجا
ساعات مش بيبقى ضغط مجتمع زي ما بيوصلك
ساعات اللي جرب
وعرف قد ايه الحياة الزوجية جميلة بشكل عام
او في معظمها
حتى مع تعبها
حتى مع عدم التوافق والتكامل التام
بيبقى عاوز يقول لك
انها حلوة يا نوجا وحاولي توفقي بين طلب عقلك وبين انك تعيشيها فعلا

يعني مش شرط دايما يكون تدخل بالمناخير فيما لا يعنيه
لأ
ساعات كتير بيكون تمني خير هو او هي شخصيا مجربينه
وعاوزين كل اللي يعرفوهم او بيحبوهم ميتحرموش منه

انا عاوزة اقول لك على حاجة كمان من كتر ما شفت

كل ما البنت او الشاب نضجوا زيادة وشافوا زيادة وعرفوا زيادة
بيخافوا من الإقدام على الجواز بالذات زيادة وزيادة

يعني تلاقي لو بنت صغيرة 19 سنة فرحانة وموافقة بسرعة وبدون روية

لو 22 - 24 سنة برضه بتفرح بسرعة وكم الرضا عندها شغال

نطلع عن السن ده وساعتها بتكون العين شافت كتير من قصص الفشل والقليل من قصص النجاح وابتدى تأثير الأغاني والأفلام يقل على العقل
ساعتها بيكون الإختيار بمقياس دقيق جدا
ومش دايما صح لما يبقى قيد التجربة
يعني مش كل شيء عقلك يقدر يفلسفه قبل الجواز ويحلله صح
ها يكون هو هو بالضبط بعد الجواز

مش عارفة انا عرفت اوصل لك اللي عاوزة اقوله والا هيست من كتر المذاكرة والتعب

اتمنى لك الخير كله
وانتي ووليد وكل انسان عاوز السعادة
ربنا يكتبها ليه بمقايس ربانية تحكمها كلمة واحدة
كن فيكون

تحياتي

هي وظروفها يقول...

ازيك يا نوجا

بفتح عندك صدفه بعد ما صليت الفجر وضربت جهينه كامل الدسم

القيكي متضايقه من نظره المجتمع لحريه اختيارك وتقيدك بمبادؤك واسوبك ووجهه نظرك في اختيار زوج المستقبل

افتكر انك صح ميه في الميه في حته ان الانسان يعيش مره واحده

ولكن مع كل تجاربي وتجاربي الغجر صحابي اكتشفت
اني مش هفصل عروسه علي مقاسي
القدر هنا بيلعب دور الاساس

اكيد لينا حريه الاختيار ولكن لازم يكون عندنا شيء من التنازل مش لازم يكون فتي او فتاه الاحلام فووووووول اوبشن
تفكير وعقل ورومانسيه ومشاركه ومباركه وحنيه وذوق وادب وتدين واهل وماده ومستوي
اكيد في المناسب والمثالي
مش لازم يكون متكامل
وربنا يكتبلنا كلنا شريك حياه يكون شريك فيها بكل تفاصيلها وعيوبها ومزاياها
وباذن الله نفرح بيكي قريب وتنزللنا فرحك فيديو ونشوف الزفه المغربي وبخصوص اكل الفرح
ابعتيلي حقي ناشف وانا هتصرف

sal يقول...

خواطر

انا عجبنى اوى تعليق وليد
فعلا الفووول اوبشن كامل متكامل
مش موجود اصلا...
الزواج شركة مساهمة
ليس بالضرورة ان يكون الشريك نسخة منك فى كل شىء

حتى فى الصداقات لن تجدى ما يروق لك بنسبة مائة فى المائة:::::حتى خمسين فى المية كويس

ربنا يسعدك ويرزقك بابن الحلال

دمت بخير

حنين يقول...

ازيك يا نوجا
جميل الاحساس بانك حره فى الاختياردون قيود وعلشان ما طولش عليكى انا اتفق الراى مع دكتوره ستيته ومع وليد ولازم تعرفى ان فى حاجات قبل الجواز بنشوفها بشكل ورؤيه وبعد الجواز بتختلف كليا واحيانا اشخاص ترتاحى لهم وبالعشره يتضح سوء الاختيار وعلى العكس اشخاص تتقبليهم فقط مجرد قبول وتكتشفى ان الحياه بدونهم مستحيله لابد من التجربه وانتى اللى علمتينا يعنى ايه تجربه
ربنا يوفقك

ماجد العياطي يقول...

اختي العزيزه

انا اتفق معكي تماما

ولكن هل لنا ان نوسع صدرنا قليلا

وان نتأمل في الزواج اكثر

انا تقريبا اتعرض لنفس موقفك يوميا

ياتي صديق اوغيره ويقنعني بالزواج

ولكن ينبغي علينا ان نعلم

وان نضع ايضا في الحسبان

ان فتى او فتاة الاحلام ربما اذا قابلناها يوما

هل هي سوف ترضى بي

والله من وراء القصد

وفقكي الله

Hesham يقول...

ياصديقتى مشكلة مجتمعنا الرئيسية ان مفيش حد سايب حد فى حاله والله صدقينى يمكن لما ان شاء الله تتجوزى حتلاقى الناس بيقوللك ( ياعينى اتجوزتى ياخسارة الحرية ) يعنى زى اغنيه نجاه الصغيره لاالعاشق مرتاح ولا الخالى مرتاح

Heba Faruq يقول...

اتفق معك في الرأي تماما
فلابد ان يختار الانسان بنفسه حياته لانه هو اللي حيعيشها مفيش حد حيعيشها بداله وكل الناس اللي بيلوموك لن يتحملوا هم عواقب اختيارك مهما كان
وفي الزواج بالذات لابد من التدقيق والاختيار السليم حتى لا تكون جوازة والسلام ويدبس فيها الواحد بقية عمره
وربنا يوفقك إنشاء الله لما فيه الخير والسعادة لك
ودمتي في احسن حال

عزيز يقول...

الانسياق وراء صغط المجتمكع خطا كبير كما قلت

لكن تصور عالم الزواج وحشا يطارد حياتنا وتصخيم المسالة باعتبارها تنقص من حرية احدنا او ما شابه مما يروج له دعاة الانفتاح على الطريقة الغربية امر مؤلم

الزواج من اهم محطات عمر الانسان وكما قلت الاهم ليس توفر الصفات لكن امكانية العتور على صاحبها في هدا الزخم الاجتماعي

شخصيا لا اتهرب من الزواج لانني غي نتوضف وميبقاش الوالد كيصرف عليا غادي نقلب على اللي تواتيني

ايوا من لتما ربي تما

يا مراكبي يقول...

موضوع ممتاز واحتار فيه ناس كتير

أولا .. ارضاء المجتمع للتخلص من ضغوطه هو اكبر خطأ بيقع فيه الانسان .. افتكري قصة جحا وحماره وابنه .. من المستحيل ارضاء الناس كلهم

ثانيا .. لكل شخص ظروفة ودوافعة واسلوب حياته اللي بيخليه يحكم على الآخرين من خلال تجربته هو نفسه وبعيونه هو شخصيا .. لكن نادر اللي تلاقيه يقدر يحط نفسه مكانك ويبص لموضوعك من خلال ظروفك انتي وطبيعتك انتي

ثالثا .. الزواج ليس غاية في حد ذاته (وده أكبر خطأ موجود في مجتمعنا) .. لكنه وسيلة لحاجات تانية كتيرة .. وبالتالي لازم نكون انتقائيين في اختياراتنا

رابعا .. ما فيش انسان كامل ولا انسانة كاملة .. وفي الآخر الانسان بيقيم الأمور بالموجب والسالب ويستغنى عن نواقص قصاد حاجات تانية ايجابية .. أو العكس .. لازم التقييم للأشخاص يكون موضوعي لأن لو الواحد بص لنفسه هيلاقي هو كمان مش مثالي ولا كامل

عشان كده سيبك من ضغوط المجتمع خالص .. وفكري بموضوعية تجاه الآخرين .. والولا وأخيرا ربنا هو اللي بيقدر الخير .. نتمنى ليكي كل التوفيق ان شاء الله

Foxology يقول...

خلاصة الكلام فيما قلتيه :::

الحياة نعيشها مرة واحدة ولاسبيل لعيشها مرة تانية فلنعشها كما نريد وبما نحن مقتنعون أن فيه سعادتنا


تحياتى

norahaty يقول...

بعض الامثال الشعبية غلط
وبعضها صح وأنا واثقة
ومقتنعة بأن المثل القائل
قعدة الخزانة ولا جوازة الندامة
صح وصالح لجميع الأزمنة أما المثل القائل
ظل راجل ولا ل حيط فصالح لأوقات وأزمنة معينة
ووقتنا ليس منها.

أحمد الصعيدي يقول...

للمدون كل الحق في كلماته ويبقي أن نعلم ان الدنيا شراع يبحر الي أرض الأخرة

السلام عليكم ورحمة الله

خواطر شابة يقول...

sony2000
قرأت تدوينتك عزيزتي وصديقتك ايضا اختارت بقي أن تكون مسؤولة عن اختيارها ومدافعة عنه باقتناع
وكما قلت ربي يهدي الجميع
دمت بكل الود والمحبة عزيزتي

خواطر شابة يقول...

star in the sky
سعيدة عزيزتي بتعليقك وسعيدة انك من رأيي وانها في النهاية حياتنا نعيشها كما نحن نشاء
تحياتي وودي عزيزتي

خواطر شابة يقول...

سمع هوص
ياسيدي سعيدة انك من رأيي وشكرا جزيلا على دعواتك الطيبة
دمت بكل الود

خواطر شابة يقول...

دكتورة ستيتة
انا معاك انه بيبقى بدافع المحبة بس والله العظيم بيبقى كثير وبيخنق لما يكون مكرر
تعرفي انت بتكوني راضية بحياتك بس محيطك مصر انه يتعبك ويحسسك ان حياتك ناقصة هذه هي المشكلة
والله انا معك مائة بالمائة اننا كلما نضجنا أصبح الاختيار اصعب واصبح العقل هو صاحب الكلمة العليا أكثر من القلب واحيانا يصدق علينا بيت الشعر التالي
ذو العقل يشقى في النعيم بعقله
وأخو الجهالة في الشقاوة ينعم
شكرا على تفاعلك وعلى رأيك الذي أكيد احترمه وعلى دعواتك الطيبة
دمت بكل الود سيدتي

خواطر شابة يقول...

وليد بيه
مليش دعوة انا كمان عايزة واحد جهينة
بخصوص رأيك انا معك مائة بالمائة وفعلا الكمال لله وحده لكن برضه هناك قدر لابد من توافره
بخصوص الزفة المغربي واكل الفرح مش بالضروري يكون فرحي انا والله صراحة فكرة تدوينة جيدة يوما ما سأكتب عن تقاليد الفرح في بلدي وأعرفكم عليها
أما عن حقك الناشف فمليش دعوة لازم تيجي المغرب وانت تأكل أكلات أوعدك تاكل صوابعك وراها فالاكل المغربي صيته معروف على مستوى العالم كله
دمت بكل الود

خواطر شابة يقول...
أزال المؤلف هذا التعليق.
خواطر شابة يقول...

sal
فعلا وليد معه حق الكمال لله وحده وايضا حتي من يتكلم لايمكنه ان يدعي الكمال
شكرا على شعورك الطيب وتواصلك
دمت بكل الود

خواطر شابة يقول...
أزال المؤلف هذا التعليق.
خواطر شابة يقول...

ماجد العياطي
تعرف المشكلة هي ليست في انعدام من فيه كل المواصفات لبناء حياة سعيدة من الجانبين المشكلة هي في في فرصة أن يلتقيا
دمت بكل الود

خواطر شابة يقول...

حنين
ياعزيزتي وأنا أيضا اتفق في الرأى مع دكتوره ستيته ومع وليد اكيد كلامهما واقعي وصحيح وانا لم أختلف معه نهائيا انا اشتكيت من ضغط المجتمع وهذا ايضا موجود ولا يمكن انكاره
دمت بكل الود عزيزتي

Atef Shahin يقول...

أوافقك تماما.. إنها مشكلة حقيقية فإما أن الشباب غير قادر على الزواح أو أن القادرين عليه ينظرون إلى أنفسهم نظرة متعالية وأنهم يستطيعون أن يتزوجوا أية فتاه في ظل وجود العدد الهائل من الفتيات اللواتي لم يتزوجن فكانت النتيجة عدم الجدية وأصبح فسخ الخطوبة أمرا عاديا وكذلك زادت معدلات الطلاق بصورة بشعة وأصبح الرجال الجادين عملة نادرة
أوافقك تماما وأتمنى لك كل الخير

خواطر شابة يقول...

Hesham
والله العظيم لن تصدق حجم الاسئلة التي تطرح علي ولا شكلها وأوقات تكون مستفزة وحشرية
حتى من يكونون يتحدثون بحسن نية كما قالت الدكتورة ستيتة لكنهم في النهاية يخنقونك بتكرار نفس الموضوع كل مرة
على العموم هناك مثل مغربي يقول "الله فرق الرؤوس وهكذا كل واحد يعمل اللي عاوزه براسه" المهم الواحد يكون مقتنع برأيه ومقدر عواقبه ومحتمل نتائجها
دمت بكل الود

re7ab.sale7 يقول...

ياااااة
دا بقي توارد خواطر والا اية يا جماعة ...؟
انا كمان كنت هكتب حاجة زي كدة في مدونتي , يمكن تجربة شخصية وتجارب عن اشخاص بحياتي , يعني موضوع الزواج والاختيار ده صعب جدا , بس اعتقد اننا لازم نكون مرنين شوية في الاختيار , يعني انا كنت بتمني اتجوز واحد زي ادهم صبري ههههه بس طبعا مالقتش مش معني كدة اني هستني واحد تكون له نفس صفات ادهم صبري رجل المستحيل بس انا هحاول ان يكون اختياري صح ولكن بدون تعقيد, وبعدين احنا بنحاول ان الاختيار يكون صح لاننا هنتجوز مرة واحد ومطالبين من الاهل اننا نستمر فيه لنهاية العمر بدون مشاكل وده صعب كتيييير , في النهاية عشان طولت عليكي الاختيار صعب بس احنا المسؤلين والاختيار لازم يكون بعقل وقلب

خواطر شابة يقول...

هبة فاروق
كلامك عين العقل وهذا ما قصدته الزواج لايجب ان يكون هدفا في حد ذاته الهدف هو الاستقرار وحياة سعيدة مع من يستحق ويصوننا
شكرا عزيزتي على كلامك الطيب بارك الله فيك
دمت بكل الود والمحبة

خواطر شابة يقول...

عزيز
انا لااعتبر الزواج وحشا ولااعتبره انتقاصا من حريتي مطلقا ولست ضده نهائيا لكن انا لست مع ان اتزوج لمجرد الزواج انها حياة مشتركة ومستقبل واولاد يجب ان نكون مقبلين عليها بكل حب وثقة في النجاح أو لانفعل موضوع عدي وسلك هو الذي أرفضه
نعم هذا ما قلته الاهم ليس من تتوفر فيه كل الصفات لانهم موجودون ومن كلا الجنسين لكن الصعوبة تبقى في أن يلتقيا
أسيدي الله يسهل عليك ان شاء الله وتخدم وتلقى بنت الحلال غير عرض عليا نشوف العرس ديال جرسيف
تهلا فراسك

خواطر شابة يقول...

يامراكبي
انا متفقة معك تماما في اولا
ومتفقة معك ايضا في تانيا
ومتفقة معك تماااااااااااااما في ثالثا
رابعا هو ده الكلام الصح وانا معاك فيه مائة بالمائة
تعرف المجتمع هو اللي لازم يسيبني في حالي فهم يصرون على ان يجعلوك تحس انك ناقص وزي ما انت قلت اولا وأخيرا الله وحده العالم بالنصيب والمقدر والمكتوب.
شكرا على مرورك الكريم ودمت بكل الخير

خواطر شابة يقول...

Foxology
شفت مش والنبي عندي حق انه مفروض نعيشها وفق قناعاتنا لانها حياتنا نحن
دمت بكل الود

خواطر شابة يقول...

norahaty
فعلا معك حق بعض الامثال الشعبية مجافية للواقع والمنطق تماما وتصلح لعصور غابرة وليس للقرن الواحد والعشرين
دمت بكل الود والمحبة عزيزتي

خواطر شابة يقول...

أحمد الصعيدي
وعليكم السلام ورحمة الله وبركاته
حاولت أن افهم القصد من تعليقك لكني لم أستطع هل له علاقة بما كتبته في هذه التدوينة أم له علاقة بأشياء أخرى لذا أرجو منك التوضيح أكثر لأفهم
دمت بكل الود

خواطر شابة يقول...

رحاب صالح
يالله أكتبي أكيد حتكون وجهة نظر أخرى مطروحة بشكل اخر وهذا فيه اثراء للموضوع أكيد
صحيح وااله معك حق انه الواحد لازم يكون مرن في الاختيار لان في النهاية نحن متفقين ان الكمال لله وحده لكن هناك ثوابث لايمكن بأي حال من الاحوال الاستغناء عنها وهذه الثوابث على الاقل بالنسبة لي لا علاقة لها ابدا بالماديات
ياعزيزتي انت تطولي زي ماأ،ت عايزة المدونة مدونتك وتعرفي ان هذه المعادلة التي توازن بين العقل والقلب هي المراد والمبتغى
دمت بكل الود والمحبة

خواطر شابة يقول...
أزال المؤلف هذا التعليق.
*الطالبة عفو الله *زوزو يقول...

الحياة فعلا بنعيشها مرة واحدة
و كل واحد بيسعى انه يعشها بكل ما فيها من سعادة

غاليتي كلام الناس لا يقدم و لا يؤخر و في جميع الحالات لن تتخلصي من كلام الناس

يعني الي تزوجوا ارتاحوا من كلام الناس لا و الف لا

انا مثلا تزوجت في سن يعتبر مبكر شيئا ما و مع ذلك كلام الناس لاحقني فتخيلي يعني تزوجتي تكلموا لم تتزوجوا تكلموا خلفتي تكلموا لم تخلفي تكلموا

من الاخر يعني ارمي كلام الناس وراء ظهرك و عيشي كما ترغبين ان تعيش

و الزواج اساسا قسمة و نصيب

تحياتي

تامر علي يقول...

أوافقك تماماً في الرأي وأنك يجب ألا تبدأي أي شيء بالتنازل ..... ولكن ما أقوله دوماً هو أنه لكي نصل لتلك النقطة أن نتأكد تماماً أن مطالبنا "عادلة وطبيعية" وأنه لايداخلها شروط تعجيزية تجعلك ترفضين قبل دور العقل في التقييم ومن خلال خبراتي المحدودة استطيع أن أقول أننا غالباً ماتكون تصوراتنا مختلفة عن الواقع لذلك يجب دائماً محاولة تعديلها لئلائم الواقع بالاستعانة باالله ومن هم أكثر خبرة "وقليل ما هم" :)))

تحياتي وتقديري :)

فشكووول يقول...

السلام عليكم عزيزتى خواطر
تحياتى
شوفى يا خواطر
انا مش موافق على كلامك خالص .. قولى ليه يا فشكوول؟ .. اقول لك يا خواطر
- فيه ناس الاحساس العاطفى عندها عالى جدا ودول مع اول طارق على الباب بيرتبطوا .. وممكن يكون الارتباط ناجح وممكن مش ناجح .. واخده بالك انت ازاى
- وفيه ناس بترتبط لمجرد حلمها بالطرحه والفستان وليلة الفرح ودول برضه حظهم من النجاح زى سابقهم
- وفيه ناس دائما مشاعرها حياديه .. يعنى من الصعب الارتباط العاطفى لها .. النوع دا بيكون خطر على صاحبه .. ازاى .. اقول لك ازاى .. يعنى مثلا انت لو فى انتظار عريس تكونى مرتبطه به عاطفيا ومتوافقه معه حياتيا .. واذا كنت من النوع الحيادى الذى من الصعب ان يرتبط عاطفيا الا بالممارسه والمعيشه .. فانه سيكون من الصعب عليكى الارتباط باحد ... قولى ليى طب نعمل ايه .. اقول لك نعمل ايه ..

- بنحط معايير زى ما احنا عايزين .. بشرط تكون معايير طبيعيه وليست معايير مانعه وبعدين اللى ييجى نلبسه المعايير دى واذا جت على مقاسه فبها ونعمت والحب والعاطفه حييجوا بعد كده .. ولو ما جاتش نلبسها لحد تانى وهكذا والا هذا النوع المحايد يمكن ان ينتظر العمر كله فلا يرتبط عاطفيا ولا وجدانيا ولا حتى حياتيا
- الله سبحانه وتعالى خلق الزواج سكنا للناس وحفظا للنوع .. وحتى نحييى سنة الله فى الارض .
طبعا مش حتوافقى فشكول .. عموما دا رأى ورايى صواب يحتمل الخطأ ورأى غيرى خطأ يحتمل الصواب

عندكم مطربه اسمها حسناء بتغنى مرسول الحب بتاعة عبد الوهاب الدوكالى انا قاعد اسمع فيها بقى لى اسبوع ومن حلاوتها مش قادر اسيبها
تحياتى
وبالله التوفيق

خواطر شابة يقول...

عاطف شاهين
هي المشكلة لايمكن نسبها فقط لطرف دون الاخر المسؤولية مشتركة واحيانا لا يكون لهما معا ذنب فيها تكون الظروف هي المسؤولة
شكرا على شعورك الطيب ودمت بكل الخير

خواطر شابة يقول...

الطالبة عفو الله
فعلا في هذه الحياة تتكرر قصة حمار جحا وصعوبة انك ترضي كل الناس وانا يا حبيبتي والله العظيم طالقاها في يد الله واللي مكتبوا غادي نشوفوا
تهلاي فراسك الزين ديالي
دمت بكل الخير

خواطر شابة يقول...

تامر علي
انا معك في كلامك و انا ايضا لاأدعي الكمال فالكمال لله وحده كلنا فينا الايجابي والسلبي والمجنون هو من يضع الشروط التعجيزية لكن ايضا التوافق مطلوب بدونه صعب ان تستقيم الحياة
دمت بكل الود

خواطر شابة يقول...

العم فشكوول
وعليكم السلام ورحمة الله وبركاته
طيب اما نشوف على انت مش موافقني على ايه
- فيه ناس الاحساس العاطفى عندها عالى جدا ودول مع اول طارق على الباب بيرتبطوا .. وممكن يكون الارتباط ناجح وممكن مش ناجح .. واخده بالك انت ازاى
انا معاك ويمكن والله بحسدهم على طبعهم وعلى مشاعرهم المنسابة بس ده طبع وصعب اكتسابه لو مكانش اصلي فينا
- وفيه ناس بترتبط لمجرد حلمها بالطرحه والفستان وليلة الفرح ودول برضه حظهم من النجاح زى سابقهم
هذه الفئة هي التي لاأستطيع ابدا ان أكون منها صعب اختزال الزواج في ليلة او في طرحة وفستان انه عمر وحياة وفيه مثل مغربي بيقول" اش من وراك الايزار" بمعنى ايه اللي مخبياه الايام وراء الطرحة
- وفيه ناس دائما مشاعرها حياديه .. يعنى من الصعب الارتباط العاطفى لها .. النوع دا بيكون خطر على صاحبه .. ازاى .. اقول لك ازاى .. يعنى مثلا انت لو فى انتظار عريس تكونى مرتبطه به عاطفيا ومتوافقه معه حياتيا .. واذا كنت من النوع الحيادى الذى من الصعب ان يرتبط عاطفيا الا بالممارسه والمعيشه .. فانه سيكون من الصعب عليكى الارتباط باحد ... قولى ليى طب نعمل ايه .. اقول لك نعمل ايه ..
اهو انا انت صنفتني صح انا من هذا النوع لدرجة اني اوقات بسأل نفسي ياترى ربي خلق لي حجر بدل القلب يعني صعب بدرجة كبيرة اني ارتبط عاطفيا وحتى لو فعلت ولم ينجح الامر يكون النسيان من أسهل مايكون
- بنحط معايير زى ما احنا عايزين .. بشرط تكون معايير طبيعيه وليست معايير مانعه وبعدين اللى ييجى نلبسه المعايير دى واذا جت على مقاسه فبها ونعمت والحب والعاطفه حييجوا بعد كده .. ولو ما جاتش نلبسها لحد تانى وهكذا والا هذا النوع المحايد يمكن ان ينتظر العمر كله فلا يرتبط عاطفيا ولا وجدانيا ولا حتى حياتيا
معك حق وانا ايضا واضح اني سأنتظر العمر كله بس والله العظيم مش حاطة معايير مانعة ربما مشكلتي اني عندي نموذج في دماغي وانا أبحث عنه
- الله سبحانه وتعالى خلق الزواج سكنا للناس وحفظا للنوع .. وحتى نحييى سنة الله فى الارض .
انا معك ونهائيا لست من رافضي الزواج او من دعاة الحرية المسألة قسمة ونصيب ما أقصده انه لو لم يحصل النصيب لاي سبب سواء باختيارنا او لاي ظروف خارجة عن ارادتنا المجتمع عليه ان لا يضغط على أعصابنا هذا ماتحدث عنه وما قصدته
طبعا مش حتوافقى فشكول .. مين قال بالعكس كلامك عين العقل بالعكس انت عطيتني تصنيفي الصح وخليتني كأني بشوف نفسي في مراية
بس مقولتليش انت مش قادر تسيبها من اسبوع عشان حلاوة الاغنية ولا حلاوة حسناء لانها تفرق كثير هههههه
في حفط الله مع كل الود والتقدير

أبو حميد يقول...

بصى بقى يا ست الستات
عارفة فيلم سهر الليالى.. على فكرة أنا بحب الفيلم ده جدا.. عارفه المشهد بتاع الأربع شباب وهما راجعين من إسكندرية فى العربية وكان كل واحد بيشكى همه؟ أنا بقى بيعجبنى قوى الحوار بين شريف منير وفتحى عبد الوهاب لما فتحى عبد الوهاب بيقول لشريف منير يخليه كده من غير جواز ومن غير وجع دماغ وقرف رد عليه شريف منير قاله.. بس إنت بترجع تلاقى حد مستنيك بتلاقى مراتك وتلاقى بنتك جايه جرى عليك.. مش مهم بقى إنت ومراتك تتخانقوا تتصالحوا المهم إن فى حياة..ونس.. إنت بتحسدنى على إيه؟ على الوحدة

فهمتى أنا قصدى أوصلك إيه؟

ghada mOhsen يقول...

بجد أنا فهماكي كتير كتير ...

تخيلي وأنا صار عمري دلوقتي 24 سنه .. فى ناس كتير بيستغربوا ليش أنا مش بفكر في الزواج لحد دلوقتي ...

كل ده عشان أنا لسه ماحسيتش إني لقيت اللى إرتحتلوا ميه بالميه .. وده من حقي .. وده غير إني والحمدلله شاغله نفسي بحاجات تسعدني دراستي وشغلى ونشاطات أخرى ... ولما يجي النصيب اهلا وسهلا ..
لان بجد على رأيك العمر مش بنعيشوا غير مره واحده ... فنعيشوا زى ماأحنا عايزينوا مش زى الناس ماهي عايزه ...

ربنا يكرمك ويوفقك ياااااارب ويطمن قلبك دايما في أى حال من الأحوال ...

دمتي دائما قنوعه وراضبه عن نفسك
... ;) ,,, ;) ...

أم مالك يقول...

الحبيبة نوجا
ازيك وعاملة ايه غبت عن هنا كثير
ولكن غصب عنى دعواتك
اتفق جدا مع تعليق الاستاذ تامر على
وباذن الله ربنا يجعل نصيبك بااللى فيه الخير ليكى
تحياتى

Haytham Alsayes يقول...

السلام عليكم

شوفي ياخواطر انا مش عالق علي كلامك دي نظريتك وانتي مقتنعة بيها وباحترم دة كمان وقريت كل التعليقات كمان بس انا عاوز اقولك حاجة الجواز في الاخر نصيب وزي مفيش جواز فيه مشاكل فيه جواز مليان مشاكل
انا عن نفسي عندى فكرة عن الموضوع دة ان ربنا مقلناش حاجة فيها ضرر تعالي الله عن ذلك وربنا وصف الزواج انه مودة ورحمة
يعني مودة من الست ورحمة من الراجل علي الست بس المشكلة في الراجل والست عارفين الكلام دة ولا ماشيين زى كل الناس وبيقولوا اهو جواز وخلاص

تقبلي خالص تحياتي

خواطر شابة يقول...

أبو حميد
انا ايضا أحب الفيلم وشاهدته اكثر من مرة لدرجة اني حفظته والمشهد الذي ذكرته أعرفه ووصلني المعنى اللي حابب توصلهولي لكن برضه لو ماجاش النصيب لاي سبب سواء بأختيارنا او غصب عننا المفروض المجتمع يحل عن سما اللي متزوجشى ويسيبو يعيش حياته من غير ميقعد كل شوية ينكد عليه ده اللي أقصده

خواطر شابة يقول...

غادة محسن
ده اللي انا قلت مادام انصيب لسه ماجاش سواء بختيارنا أو لا المحيط المفروض يتقبل واقعنا ويتعايش معه لا ان يشكل عامل ضغط
شكرا عزيزتي على كلامك ودعواتك الطيبة جزاك الله خيرا
دمت بكل الود والمحبة

خواطر شابة يقول...

أم مالك
شرفتيني ونورتيني يارب يتمم شفائك على خير ان شاء الله
وانا ايضا اتفق مع تعليق الاستاذ تامر على فكلامه منطقي وموزون وهو عين العقل
تمنياتي لك بموفور الصحة ان شاء الله ودمت بكل الود والمحبة

شاب مصري مفروس يقول...

احترم جدا من يمتلك شجاعة تحدى العادات والتقاليد البائدة وبالذات في هذا الموضوع الحساس بالنسبة للبنت اكثر من الولد
واحترم اكثر من يعشق حياته فيعيشها كما يهواها لا كما يهواها الاخرين
تحيتي لكِ وكل الود والاحترام

خواطر شابة يقول...

شاب مصري مفروس
سعيدة بأول مرور وان شاء الله يدوم التواصل
دمت بكل الود