الثلاثاء، 2 فبراير، 2010

خطوة لابد منها

هذه الايام أصبت بحالة من الاحباط وضيق الصدروشد الاعصاب لدرجة انني تأكدت اني ان لم اتوقف سأصاب بما لاتحمد عواقبه صحيا على الاقل.

مشكلتي تتمثل في انني لي اصدقاء مصريين ولي اصدقاء جزائرين ولي ايضا قناعاتي الشخصية من خلال مشاهداتي وحكمي على الامور باعتباري محايدة لاتتبع لاهذا ولا ذاك .
.
ستقولون ولكن اين المشكلة? المشكلة هي انني اكتشفت انني في النهاية سأخسر الجميع فكل طرف يعتبرني منحازة للطرف الاخرلأنني عندما أحادث الجزائري واجده مقتنع انه المجني عليه وانه لم يخطأ أجد نفسي متبنية وجهة نظر المصري ادافع عنه واحاول توضيح الصورة ونفس الامر يتكرر عندما أحادث المصري وأجده ايضا مقتنع انه الصح وانه الضحية والمجني عليه أجدني ايضا متبنية وجهة نظر الجزائري أدافع وأوضح وأشرح وكل هذا لان أملي كبير في تقريب وجهات النظر ولان صداقتي لكل طرف تجعلني لاأستطيع الا أن أرد غيبته لكنني صراحة تعبت وفاض بي وأعصابي لم تعد تحتمل هذا الشد كما أنني صراحة خجلت من نفسي عندما رأيت متضامنين مسلمين وغير مسلمين متبنين لقضية فلسطين ويناضلون لفك الحصار عنها فيما نحن وأنا أولكم منشغلون بزوبعة في فنجان صنعها وغذاها اعلام غير مسؤول ونحن نسير وراءه ينطبق علينا قول الرسول صلى الله عليه وسلم بأننا كغثاء السيل لذا فقد قررت قرار نهائي لارجعة فيه أن أتوقف عن الخوض في هذا الموضوع مع أي من الطرفين وحتى ان رأيت ما ساءني من أي طرف لطرف أخر سأكتفي بالدعاء بالهداية للجميع ولي معكم.

وان شاء الله أملي كبير في الله أن الغد سيكون أفضل مصداقا لقوله تعالى " ولا تيْأَسوا مِن رَوْحِ الله إنّه لا ييْأَسُ مِن رَوْح الله إلا القومُ الكافرون" – يوسف 87

هناك 68 تعليقًا:

هي وظروفها يقول...

نوجا مع اعتذاري ليكي

اي مصر او جزائري موضوع الكووره بالنسباله ممكن يعمل مشكله وزعل يبقي يتساب في حاله ولا تكلميه ولا توضحيله اي وجهه نظر

وجهه نظر ايه اللي اكره بسببها حد عشان حاجه راحت ولا جت ملهاش لازمه

في قضايا اكبر من كده بكتير وكلنا مش مهتمين بيها خالص

شعوبنا العربيه والاسلاميه واقعه تحت مخطط لزعزه روح الاخوه في الله باي شكل سيبك من القوميه العربيه والمهلبيه

انا قوميتي وقوميه اي مسلم تكون لدينه مش للون علمه مش معني كده اني ضد الانتماء ولكن انتماء اي مسلم مصري بقي نرويجي جزائري هندي جزائري لازم يكون لله اولا ثم اي شيء اخر
انما اللي بيدور علي انتمائه اللي ضيعه بايد الكلاب اليهود ميلزمش اني اعتبه ولا اغيره وجهه نظره لانه باع القضيه
يا ميت الف خساره علينا
اتسف طولت يا نوجا بس هو في ايه حصل للناس
الجزائر كسبت كاس العالم او مصر هنفضل دول قمعيه وديكتاتوريه ومشهتكون سبب في عزه الاسلام
اخلاقنا وحبنا لبعض هو اللي هينفعنا مش اي حاجه طز في الكوره الف مره لو هتزعل مسلم من مسلم

عاوز اصحي يقول...

معلش بقى حظك تعملى ايه

ربنا يهدينا جميعا ان شاء الله

emymony يقول...

سورى يعنى مش صداقه هتنهار على لعبه
قولى لهم فى النهايه كل واحد قبض فلوس واحنا كسبنا ايه غير الصداقه اللى بينا ولازم نحافظ عليها وفى الاخر احنا عرب واللى فات مات يااخوانا هههههههههه خلونا فى بكرة واللى جاى وازاى نحافظ على بعض

سبايدرمان spiderman يقول...

ليه بس تتوقفي
بالعكس ده انتي ليكي ثواب كبير

"اصلحوا بين أخويكم"

ده انتي بتاخدي ثواب كبير ^_^
ليه تضيعيه على نفسك ^_^

ده انا اتمني و الله اكن مكانك

لاسع افندى يقول...

قال على رأى المثل
الباب اللى يجيلك منه الريح سده واستريح
ادعوكى لزيارة مدونتنا الجديده
http://amsaal.blogspot.com

تحيه لاسعه

ستيته حسب الله الحمش يقول...

ليه بس يا منتي
ده انا بحترم فيكي ده جدا
ومين ده اللي زعل
شاوري لي وانا اللي اصالحه
أو أبندجه
ومؤكد ها يخاف من البندجية وها يسكت ساكت

انت قلتي عندي كتير في الموضوع ووالله كان كلام محترم جدا وفعلا لقيت فيه اصلاح ذات البين وتغليب المصلحة العليا للأمة

وما زعلتش يعني

شاوري
يالا
قولي لي مين
علشان




اصالحه :)

الشاعر الفنان أحمد فتحى فؤاد يقول...

كلنا نعبر عن وجهة نظرنا الشخصية على خلفية شخصيتنا و ثقافتنا و معتقداتنا ... و ليس لأحد أبدا أن يملى علينا ما غير ذلك

ملحوظة : أرسلت الإيميل يا رب يكون مفيد .. و شكرا على الثقة

sal يقول...

خواطر شابة
سيبيك من هذا اللغط الكروى
او بمعنى ادق هو اللغو بعينه
تابعى اهتماماتك بما ينفع الناس
فى دينهم ودنياهم
واللى يزعل ما يستاهلش الصداقة اصلا
لان دا كلام فاضى
تحياتى

mohamed ghalia يقول...

متهيألى انتى ماسكه العصايا من النص استمرى زى ما انتى

الشعب لابد له من حكومه تشكمه يقول...

يا امى طنشى النحيتين:))

قوليلهم انا بتاعة وطنى حبيبى الوطن الاكبر:)
واكيد كل واحد هيشوف انه الملاك الصافى .

فتاه من الصعيد يقول...

ههههههههههه

وانتي ايه اللي دخلك بينا بس .... دول ياكلوكي يا بنتي

والله ولا تتعبي نفسك ... دي ناس فاضيه

تحياتي

هتشوفوا يقول...

المتوقفين بيشجعوا واحنا معاهم

توقفي ولا يهمك
لذا فقد قررت قرار نهائي لارجعة فيه أن أتوقف عن الخوض في هذا الموضوع مع أي من الطرفين
بس ماتتوقعيش حد يتظاهر زي عبد الناصر لأنها اصلا بيقولوا كانت مدبرة وأظن اخلاقك ماتسمحش بكدة

تحياتي

هكذا اسلموا "شاب مسلم " يقول...

انا حاسس انى من الى زعلوكى بس والله العظيم انا كنت من اكتر الناس المؤمنين بالقومية العربية ونفسى يكون العرب يد واحده بس لما يكون حد يغلط فيكى مرة و2 و3 وتسمحى وبردوه يغلط اى لحد له كرامة وفى وقت من الاوقا ت بيحس انه خلاص مش قادر يستحمل اكتر من كده
بس فوز مصر ريحنى شوية وهحاول اشجع الجزائر فى المونديال
على العموم انا شلت الصورة بتاع الجزائر علشان خطرت انتى ومروه وهشيل الصورة التانية وبعتذرلك انا كنت زعلتك

يوميات شاب منوفى يقول...

انا حاسس انى من الى زعلوكى بس والله العظيم انا كنت من اكتر الناس المؤمنين بالقومية العربية ونفسى يكون العرب يد واحده بس لما يكون حد يغلط فيكى مرة و2 و3 وتسمحى وبردوه يغلط اى لحد له كرامة وفى وقت من الاوقا ت بيحس انه خلاص مش قادر يستحمل اكتر من كده
بس فوز مصر ريحنى شوية وهحاول اشجع الجزائر فى المونديال
على العموم انا شلت الصورة بتاع الجزائر علشان خطرت انتى ومروه وهشيل الصورة التانية وبعتذرلك انا كنت زعلتك

فتاه من الصعيد يقول...

اللي يغيظ ان البلدين دول عالم عاشر ... وموش فاضيين غير لقله الادب

تحياتي

خواطر شابة يقول...

وليد بيه
ده اللي زعلني من نفسي ومن الجميع والله اننا منشغلين عن قضايا أهم بصراع لامعنى له الا ذنوب بنشيلها
تعرف انا امس كنت كمن تلقى صفعة ايقضته رأيت ناشطين من دول غير عربية كيف تأخذهم الحمية لدينهم وللانسانية فأحسست بالضألة وقررت انه لابد من وقفة مع النفس لابد ان أحاسب نفسي قبل ان يأتي يوم الحساب
تحياتي لك واحترامي

خواطر شابة يقول...

عاوز اصحى
يارب الهداية للجميع وما ذلك على الله ببعيد
تحياتي

خواطر شابة يقول...

emymony
ان شاء الله ربي يصلح الاحوال والزمن وحده الكفيل بتصفية القلوب فهو خير مداوي
دمت بخير

مصري جدا يقول...

ولية دا كلة

الوضوع ابسط من كدا

تنافس خرج عن سياقة

العقل بيقول كل طرف يتنازل ويحاول يغفر

مما لا شك فية ان الطرفين اخطأوا

العقل لتاني مرة بيحتم ايقاف سلسة الاخطاء عند القدر اللي وصلت لة

وللمرة الثالثة والاخيرة العقل برضوا يفرض حتمية أن لا داعي لمعرفة من اخطأ اكثر من الاخر

زي ما انتي شايفة موضوع يخضع بالكامل للعقل

بس المجانين يسيطرون

خواطر شابة يقول...

سبايدرمان
ده باب اصلاح انا معك في هذا لكن مع ذلك في النهاية انت تكتشف انك تستنزف جهدك واعصابك في زوبعة في فنجان لافائدة تجنى من ورائها الا تحميل الذنوب.
معك حق الاصلاح بين اخوين فيه أجر كبير ربما انا الان فقط محتاجة لوقفة مع النفس فترة استراحة أستعيد فيها توازني
تحياتي واحترامي لك

ঔღঔ نـــوارة ঔღঔ يقول...

وانتي تحرقي دمك ليه ياقمر

انا معنديش اصدقاء جزائريين

لكن بالصدفة كلمت بنوتة كانت عالايميل وطلعت جزائرية ومكنتش حابة اتكلم عن الموضوع لقيتها بدات وجابت الحق كله على مصر معرفتش اسكت طبعا وقعدت ادافع لقيتها هتقلبها بخناق قلت وانا مالي :)

متزعليش حد ومتتكلميش تاني بالموضوع وريحي دماغك

دمتي بود

خواطر شابة يقول...

لاسع افندي
تعرف انا عاشقة للامثال وأحفظ الكثير منها اكيد زيارة المدونة ستسعدني

خواطر شابة يقول...

دكتورة ستيتة
انا والله مازعلانة من حد انا زعلانة على الجميع وعلى نفسي وانا الحمد لله أحافظ على شعرة معاوية مع الجميع وحتى في قمة الاختلاف يظل الاحترام المتبادل سيد الموقف ربا يهدينا جميعا ويصلح الاحوال
تسلميلي يا دكتورة

خواطر شابة يقول...

الشاعر الفنان احمد فتحي فؤاد
شكرا على الاستجابة وعلى الشرح المستفيض واستميحك عذرا في أن اتصرف في الميل لكي اضعه على شكل تدوينة لتعم الفائدة الجميع مع الاشارة طبعا الى المصدر فقط سأجعله عام غير خاص
فائق الاحترام والتقدير لك

خواطر شابة يقول...

sal
معك حق انا أمس جملة سمعتها واستوقفتني وهي حاسبوا قبل ان تحاسبوا كنت كمن تلقى صفعة ايقضته من غفلة كان فيها
ربي يهدينا جميعا ويصلح بيننا
تحياتي لك

خواطر شابة يقول...

محمد غالية
زي ما قلت انا محتاجة وقفة مع النفس ومراجعتها هناك أمور أهم في حياتنا تستاهل اننا نبذل فيها جهد بدل ان نستنزفه فيما لايفيد

خواطر شابة يقول...

شيما حبيبتي
حاضر وفعلا والله صدقا انا بتاعة وطني حبيبي الوطن الاكبر بس مستنية اليوم اللي اشوف فيه فعلا انه اصبح يوم ورا يوم امجاده بثكثر وانتصاراته مالية حياته ويكون فعلا لاقولا بيكبر وبيتعمر هو انا مش من حقي أحلم واتمسك بالحلم بتاعي

خواطر شابة يقول...

فتاة من الصعيد
عزيزتي ربنا يهدي الجميع يارب ويضعف الشيطان او الشياطين اللي بينهم يارب كل اللي نيته التفرقة رد كيده في نحره يارب نك على كل شئ قدير
عزيزتي صدقا انا أحبك في الله

خواطر شابة يقول...

هتشوفوا
تعرف اني امس كتبت في التدوينة سأقول كما قال عبد الناصر في خطاب التنحي وبعدين شيلتها انا ايضا هذه الجملة مرتبطة عندي ذهنيا به
تحياتي لك

خواطر شابة يقول...

هكذا اسلموا
انت صاحب مدونة يوميات شاي منوفي ولا لا اصلي كده اتلخبطت

خواطر شابة يقول...

يوميات شاي منوفي
ياأخي يقول المثل العثب على قدر المحبة وانا والله ما زعلانة منك بقدر ما زعلانة علينا كلنا
انا قلتها لك في تعليق سابق أني اتعشم فيك الخير والحمد لله العشم طلع في محله ربي يهدينا جميعا ويضعف شيطاننا وتأكد ان الاختلاف في الرأي طالما مغلف بالاحترام المتبادل تأكد انه لايمكن ابدا ان يفسد للود قضية
سعيدة جدا جدا بمرورك وبتعليقك وربنا ما يجيب زعل ابدا وقل لي هل مدونة هكذا اسلموا هي لك?

خواطر شابة يقول...

فتاة من الصعيد
ربنا يهدي الجميع مفيش حاجة بعيدة على ربنا
تحياتي لك

خواطر شابة يقول...

مصري جدا
والله انت حللت الوضوع بطريقة عقلانية واعطيت الحل العملي ربنا يهدي الجميع
تحياتي لك

خواطر شابة يقول...

نوارة
يارب تضعف شيطاننا او بالاحرى شياطيننا مهو مش واحد اللي يقدر يعمل كل ده ههه يارب تهدي الجميع وتريح القلوب يارب
تحياتي وتقديري لك

عزيز يقول...

اعتقد في نظري ان الصديق الدي قد يغير تصرفه معي بسبب موقف من كرة قدم لا يستحق صداقتي انا ايضا لي اصدقاء مصريين في المنتديات ونضحك حول المباراة بصدر رحب وكدلك الجزائريين.
اما داك اللي غايطيب لي راسي بالهضرة الخاوية حيت مكنشجعش المنتخب ديالو هاداك اصلا ماشي صاحبي

خواطر شابة يقول...

عزيز
تعرف ان شريطك جعلني اعيد حساباتي مع نفسي واقول ماذا سنقول فعلا عندما نواجه ربا كريما بما سنتحجج ونحن المنشغلون بأمور دنيوية وياليتها كانت فعلا تستحق
اكيد انا لن أخسر صداقة من اجل كرة قدم وحتى من اعرفهم لن يفعلوا لكن المشكلة ربما فيا انا لانني اتبنى دائما وجهة نظر الطرف الاخر وهذا متعب لكن عموما كن اكيد ان اختلاف الرأي المفترض فيه انه لايفسد للود قضية
دمت بكل ود

re7ab.sale7 يقول...

اولا صباحك ورد واسفة اذا كنت قد دخلت بدون استئذان, ومعاك حق طبعا في كل الكلام ده احنا في كارثة مش خلقها الاعلام وبس لاء خلقها تفكيرنا الضيق ونظرنا للاشياء بنظرة سطحية لدرجة ان ماتش كورة ممكن يخلينا نخسر حاجات كتيرة اووي مش صداقة بس بين مصري وجزائري لاء ممكن الدولة كلها ودي مصيبة بجد , لكن لو فكرنا شوية بعقل وتروي اكيد هنلاقي حل كويس , المشكلة الحقيقية ان في طرف تالت احنا مش شايفينه في المشكلة دي اللي هو الطرف اللي بيفرقنا عن بعض كشعوب عربية ودول اسلامية عن بعض , ياريتنا نبص ابعد من انوفنا ونري عدونا الحقيقي, في النهاية اسفة اذا كنت قد اطلت عليك وتقبلي تحياتي ومروري

ضكـــــتور جدا يقول...

السلام عليكم

انا مع حضرتك في اللي بتعمليه استمري

انما المؤمنون أخوة

Tamer Nabil يقول...

ازيك خواطر اخبارك اية

زى ماقولتى بلاش كلام فى الموضوع دة لان مفيش طرف هيفهم نظرتك صح وكل دة لية عشان كورة

ربنا يهدى الناس كلها وخصوصا بتوع الكورة المتعصبين

مع خالص تحياتى

خواطر شابة يقول...

رحاب صالح
انت شرفتيني فليه الاسف بالعكس انا سعيدة بمرورك وان شاء الله يدوم التواصل
يارب يهدينا جميعا لما فيه الخير والصلاح
تحياتي لك

خواطر شابة يقول...

ضكتور جدا
انا يمكن فقط محتاجة وقفة مع النفس لكن اكيد يهمني الاصلاح ويعز علي الشقاق الموجود ربي يهدي الجميع ان شاء الله
تحياتي لك

خواطر شابة يقول...

تامر نبيل
ربنا يهدي الجميع ويتولانا برحمته جميعا
تحياتي لك

إبتسامة ملاك يقول...

حبيبتى مالك بس ربنا يبعد عنك اى شر او حزن استهدى كده بالله وفتره هتعدى ومحدش يقدر يمنعك من اصدقائك سواء مصرين او جزئرين
دا حريه شخصيه
والموضوع مجرد تعصب والعبره بالنهايه

عاوزه اشوفك منوره كده ومتليش هم

أم .. بوبه يقول...

أنا وجهة نظرى إنك تتجاهلى الأمر ده خالص وترفضى النقاش معاهم فى الأمر ده لأنه جهل وتعصب للأسباب تافهة وميصحش التمادى فيه

لجين أبو الدهب يقول...

انتى لو دخلتى فى الدفاع مش هاتكسبى حاجة اولا وثانيا هاتخسرى اصدقاء

فانا لو منك اقفل الباب ده خالص

بتكلم مع حد جزائرى خلاص يبقى نتكلم فى كل حاجة ونقفل موضوع مصر ده خالص

بتكلم مع واحد مصرى اقفل موضوع الجزائر ده

الباب اللى يجى منه الريح سده واستريح

لان عمر ما حد بيشوف نفسه غلطان
ولا عمر حد هايغلط الطرف التانى والكل هاتلاقيه متعصب ..

فانتى احسن تقولى انا محايدة وما افضلش اتكلم فى الموضوع ده علشان ما تخسريش احد اصدقائك لانك مهما حاولتى توصلى وجهة نظر عمرها ما هاتوصل

وزى ما ابراهيم حجازى بيقول الموضوع ده هايدوب شدته مع الزمن مش بالمناقشة او تصفية النفوس ..

دمتِ بخير ..

أبو حميد يقول...

خواطر شابة
الجميع يدور فى حلقة مغلقة
يجب أن يكسر أحد الأطراف أو كلاهما هذه الحلقة ليكف الطرفان عن الدوران
يعنى حتى لو انت بتحاولى تهدى الموضوع والطرفين ماعندهمش الإستعداد للتهدئة يبفى مافيش فايدة
تحياتى لك على محاولتك
ووصلى تحيتى لجميع أهلك وأصدقائك فى المغرب ولجميع أصدقائك الجزائريين وقولى لهم هذا السلام من مصرى عربى مسلم يتمنى من الله أن يعود الجميع إلى رشدهم

eman mohamed يقول...

تعالى مدونتى الجديده مش هتخصر حاجه بس هئؤل رايك

خواطر شابة يقول...

ابتسامة ملاك
حبيبتي شكرا على شعورك النبيل وفعلا الايام كفيلة بتصفية القلوب وربنا يهدي الجميع
تسلميلي ياحبيبتي

خواطر شابة يقول...

ام بوبة
ربنا يهدي الجميع يارب ويصلح الاحوال
قبلاتي لبوبة يا أم بوبة

خواطر شابة يقول...

لجين ابو الذهب
انت معاك حق في كل اللي قلتيه الا في حتة ابراهيم حجازي دي لانه عندي من ضمن من أحملهم مسؤولية الكره الذي تأصل بين الشعبين الا انني اتفق معه في هذه النقطة وانه فعلا الزمن وحده الكفيل باصلاح الامور وتصفية النفوس لما كل طرف يهدأ ويبدأ يراجع نفسه
سعيدة بمرورك تقبلي تحياتي

خواطر شابة يقول...

ابو حميد
معك الف حق مالم تتوافر الارادة من الطرفين فأنا وكل من يسير على نهجي ننحث في الصخر يصدق علينا قول الشاعر لقد اسمعت لو ناديت حيا***ولكن لاحياة لمن تنادي
تحياتك على الرأس من فوق ونردها بأحسن منها أكيد ياأخي هذه الامة لايمكن ان نفقد فيها الامل مادام فيها أمثالك هناك عقلاء كثيرون لكن للاسف لايسمع صوتهم الصوت الطاغي هو ذو الفكر المغيب
دمت بالف خير

خواطر شابة يقول...

ايمان محمد
حاضر ان شاء الله
تحياتي

الأرمـوطــي يقول...

بحيكى على تطرقك لموضوع مهم زى دة وكمان على سريان روح الاسلام فى كلامك وهوا دة الى احنا فعلا محتاجين لية وانا ضد ان يكون فية عداوة بين شعبين بسبب كورة وانا مش عشان مصرى متحيز لبلدى لكن واضح فى الموضوع مين المجنى ومين المجنى علية انا مش هدخل فى تفاصيل لكن ارجوا انك تمعنى النظر فى الاحداث عشان تعرفى مين صاحب الحق وهيا فى رايي مصر
تحياتى ليكى

خواطر شابة يقول...

الارموطي
بداية تحية لك وشكرا على مرورك الطيب
تانيا تعرف ان ما قلته هو أساس المشكلة انت مقتنع مائة بالمائة ان مصر هي الصح والطرف الاخر هو المخطئ لم ترى اي خطأ على مصر نهائيا وتقول انت غير متحيز وطبعا في الطرف الاخر هناك الكثيرون مثلك يرون انهم الصح وان الطرف الاخر المخطئ فيما الحقيقة هي ان الجميع مخطئ والخطأ راكب الجميع من ساسهم لراسهم تعرف انا اعجبني جدا تعليق هاني صاحب مدونة مصري جدا ماقاله هو فعلا الحل بدونه ستبقون في هذه الدوامة الى ماشاء الله
تحياتي

أحمد الصعيدي يقول...

السلام عليكم ورحمة الله

سيدتي

اجعلي تعاملك من نافذة الدين وليذهب من يذهب بعيدا عنك طالما لا يحترم قول الحق أما أنت فأتمني من الله أن يتم عليك نعمة الله

هي في الأخر لعبة تندرج تحت نص اللهو عن الدين وكل تفرقة تحدث بين الشعبين مسئول عنها كل من لا يفقه في أمور دينه

وتخيلي لو أن رسول لله بين أيدينا هل سيكون ما كان أم أنه عليه الصلاة والسلام لو بين أيدينا سيكون هناك شئ اسمه كرة القدم

ان كانت كرة القدم ستفرق المسلمين فليس لنا حاجة فيها

بارك الله لك

السلام عليكم ورحمة الله

صفــــــاء يقول...

يا بنتى دى لعبه
كورة
رياضه
شويه تسليه وانفضت وخلصت
متخليش حد يجرك لنقاش جدلى هلامى مش هتخرجى ولا حد هيخرج منه كسبان ابدا
بالعكس كل محاولات تقريب النظر اللى بتكون فى موضيع زى دى بتفشل فشل تاااام
قولى رأيك واللى بيحترمك يحترمه واللى مش قادر يتقبله فهو برضه صديق عزيز
والختلاف فى الرأي لا يفسد للود قضيه

Pink Dreams يقول...

سيبك من موضوع الكوره دا خالص

ومش تكلميهم فيه

وهم فى الاخر الاتنين صحابك

ومتحاوليش تفتحى الموضوع معاهم تانى طالما كل واحد مصمم على رايه

تحياتى ليكى

Heba Faruq يقول...

لا حول ولا قوة إلا بالله
وانت تحرقي دمك ليه وتشدي اعصابك في موضوع مايستهلش نهائي ..دول اساسا ناس متعصبين والمتعصب بيكون مخه مقفول استحالة يفتحه لاحد واستحالة يفهم الكلام المنطقي
فلا تضايقي نفسك أبدا ويكفي المجهود الذي قمتي به وانت مشكورة طبعا عليه ولك الثواب من عند الله إنشاء الله
وهم ربنا يهديهم ويهدينا ونفوق بقى من اللي احنا فيه

ليس فقيرا من يحب يقول...

معلش يا نوجه

ربنا يجازيكى خير

على نيتك الطيبه ويسعدك يارب

اخبارك ايه

يارب تكونى بخير يا حبيبتى

أحسن تـستاهـل يقول...

هلا ومرحب فيكي
ان شالله بألف خير وسلامة وسعادة وروقان وطولة بال لانك مش هتخلصي خالص مالص.. مالص ليه بأه.. لان انا نفسي تعبت من حوار مصر وجزائر ده.. نفسيا لاني مش بحب ده يحصل بين العرب وتعبت عصبيا عشان العصبية اللي بيتكلموا فيها ما شاء الله عليهم ك واحد محموق على بلده اسم الله عليهم وهما هيمتوا ويطفشوا أساساً

وطالما انا قلت أساساً يبقى احنا حتاجين كوبية شاي بلبن بأه نقعد نروّق دماغنا عشان احنا داخلين على سنة جديدة ومش عارفين لسه أيامها مخبيالنا ايه

خواطر شابة.. كل سنة حلوة لينا كلنا.. مين عارف يمكن تطلع حلوة فعلا.. ولا احنا مالناش نفس يعني ولا ما نشبهش ^_^

مها ميهوووو

خواطر شابة يقول...

احمد الصعيدي
شكرا على مرورك الطيب وفعلا لو كنا نراعي ديننا ونراعي الله في كل افعالنا لما كانت هذه حالنا اليوم
فعلا لاحول ولا قوة الا بالله لعبة فرقتنا شيعا
ربي يهدينا جميعا لما فيه صلاحنا ورضى الله ورسوله
تحياتي لك

خواطر شابة يقول...

صفاء
فعلا الاختلاف في الرأي لايجب ان يفسد للود قضية والان الحمد لله الامور هدأت ربي يهدينا جميعا ويضعف شيطاننا
سعيدة بمرورك
تقبلي تحياتي

خواطر شابة يقول...

Pink Dreams
الان الحمد لله العاصفة انتهت وكل عاد الى قواعده سالما في انتظار مباراة جديدة ولا حول ولا قوة الا بالله الهداية من عندك يارب
تسلمي عزيزتي

خواطر شابة يقول...

Heba Faruq
مشكلتي ان دائما بحس مسؤولية تجاه الطرف الغائب فبرد غيبته وادافع عنه واحاول اوصل وجهة نظره في محاولة مني لتقريب وجهات النظر والاصلاح على العموم الان لم أعد أقدر الا أن أرفع أكفي بالدعاء ان يهدي الله الجميع لما فيه صلاح الجميع دينا ودنيا
تحياتي لك عزيزتي وتمنياتي القلبية ان تكوني في خير حال ان شاء الله

خواطر شابة يقول...

ليس فقيرا من يحب
عزيزتي شكرا لشعورك الطيب وكلماتك الرقيقة
شكرا لك على اهتمامك انا الحمد لله بخير وان شاء الله تكونين انت كذلك بألف خير
تحياتي لك عزيزتي

خواطر شابة يقول...

أحسن تستاهل
هههه ضحكتني أضحك الله سنك بس سؤال والله محيرني ايه السنة الجديدة اللي داخلين عليها ده احنا في فبراير هي اليومية عندك مأخرة شهرين ههههه على العموم يالله سنة سعيدة عليك انت ايضا وان شاء الله تكون كلها افراح ومسرات واحنا نشبه قال منشبهش قال ههه
تحياتي لك

الشاعر الفنان أحمد فتحى فؤاد يقول...

اختنا العزيزة

أوكى .. موافق طبعا ...ده يشرفنى و يسعدنى
لكن صلحى الأول تقريبا خطئين إملائيين نتيجة السرعة فى الكتابة ... مثل وحدة القصيدة كتبتها وحة القصيدة .. و خطأ ثانى

شكرا لك جدا

خواطر شابة يقول...

الشاعر الفنان أحمد فؤاد فتحي
ان شاء الله سأفعل الشكر كله لك غلى استجابتك اولا وعلى قبولك النشر لتعم الفائدة تانيا
تقبل تقديري واحترامي